09:43, 09 - شىلدە 2020 | GMT +6
ۆيرۋسقا قارسى ءدارى-دارمەكتى زاڭسىز ساتقان قالا تۇرعىنىنا قىلمىستىق ءىس قوزعالدى
اقتوبە. قازاقپارات - اقتوبە وبلىستىق ەكونوميكالىق تەرگەۋ دەپارتامەنتى ءدارى-دارمەكتى زاڭسىز ساتقان قالا تۇرعىنىن ۇستادى، دەپ حابارلايدى قازاقپارات ءتىلشىسى.
اقتوبەدە ءدارى-دارمەك ساتقان قالا تۇرعىنى انىقتالدى. جەدەل ىزدەستىرۋ كەزىندە پاتەردەن ونداعان ءدارى تابىلدى.
«ءدارىحانادا جوق دارىلەر تابىلدى. پايدا تابۋ ءۇشىن كۇدىكتى پاتەرىندە ساتقان. قۇنى 1 ميلليون تەڭگەدەن استاتىن ءدارى مەن اقشا تاركىلەندى. قىلمىستىق كودەكستىڭ «زاڭسىز كاسىپكەرلىك» بابى بويىنشا ءىس قوزعالىپ، تەرگەۋ باستالدى»، - دەدى وبلىستىق ەكونوميكالىق تەرگەۋ دەپارتامەنتى باسشىسىنىڭ مىندەتىن اتقارۋشى ارتۋر حايرۋتدينوۆ.