قازاقستان توعىزىنشى رەت ازا تۇتۋ كۇنىن جاريالادى - ساياساتتانۋشى

نۇر-سۇلتان. قازاقپارات - ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ءبولىم باسشىسى الۋا جولدىبالينا مەملەكەت باسشىسىنىڭ ەلىمىزدەگى احۋالعا بايلانىستى ۇندەۋىنە پىكىر ءبىلدىردى، دەپ حابارلايدى قازاقپارات ءتىلشىسى.

«مەملەكەت باسشىسى قاسىم-جومارت توقايەۆ ەلىمىزدە احۋالعا بايلانىستى حالىققا ۇندەۋ جولداپ، قايتا كۇشەيتىلگەن كارانتين ءتارتىبىنىڭ اسا قاجەتتى شەشىم ەكەنىن ەرەكشە اتاپ ءوتتى. پرەزيدەنت ءوز مالىمدەمەسىندە وسى ۋاقىتقا دەيىن كارانتيندىك شارالاردى جاپپاي ساقتاماعاندىقتان، دەنساۋلىق ساقتاۋ مينيسترلىگىنىڭ بۇرىنعى باسشىلىعىنىڭ جۇيەلى قاتەلىكتەرىنەن، اكىمدەردىڭ السىزدىگىنەن پنيەۆمونيانىڭ كۇرت ءوسىپ، كوروناۆيرۋستىڭ ەكىنشى تولقىنى باستالعانىنا نازار اۋداردى. ەڭ باستىسى، مەملەكەت باسشىسى COVID-19 ىندەتى مەن پنيەۆمونيا سالدارىنان دۇنيە سالعان ازاماتتارىمىزدىڭ جاقىندارىنا كوڭىل ايتىپ، وسىعان وراي 13- شىلدەنى ۇلتتىق ازا تۇتۋ كۇنى دەپ جاريالادى»، - دەيدى ساراپشى.

بۇعان دەيىن 4- ساۋىردەن قىتاي، 22- مامىردان باستاپ 3 كۇنگە - ا ق ش، 27- مامىردان باستاپ 10 كۇنگە - يسپانيا سەكىلدى ەلدەر ازا تۇتۋ كۇنىن جاريالاعان بولاتىن. ويتكەنى وسى مەملەكەتتەردە اتالعان اۋرۋدان ەداۋىر ادام شىعىنى بولدى. قازاقستان دا 2019-جىلدىڭ 28- جەلتوقسانىندا جاريالانعان جالپى ۇلتتىق ازا تۇتۋ كۇنىنەن كەيىن اراعا جارتى جىل ۋاقىت سالىپ، كورونوۆيرۋس ىندەتىنەن ادامداردىڭ قازا بولۋىنا بايلانىستى قارالى كۇن جاريالادى.

جالپى تاۋەلسىزدىك العاننان باستاپ، ياعني 1991-جىلدان بەرى قازاقستاندا ازا تۇتۋ كۇنى توعىزىنشى رەت جاريالاندى.

«پرەزيدەنت ايتىپ وتكەندەي، «كەمشىلىكتەردى ءبىز كورىپ وتىرمىز. ودان ءتيىستى ساباق الىپ، قاجەتتى شارالاردى قابىلدايمىز»، ياعني ۇستانىمى بيىك ەل رەتىندە ءبىز دە پاندەميا جاعدايىنان ءوز ساباعىمىزدى الىپ، «بۇكىل كۇش-جىگەرىمىزدى جيناپ، ىندەتپەن كۇرەسە بەرۋىمىز» كەرەك.

ارينە، پرەزيدەنت ق. توقايەۆ ءوز ۇندەۋىندە توقتالعان ماڭىزدى ماسەلەلەردىڭ باسىم بولىگى سوڭعى ۋاقىتتا كوپشىلىكتى تولعاندىرىپ جۇرگەن ەدى. اسىرەسە، الەۋمەتتىك جەلىلەردە جانە ءبىرقاتار ب ا ق- تا كوروناۆيرۋسپەن كۇرەسكە قاتىستى بيلىكتىڭ ارەكەتتەرى سىنعا الىنىپ، وتكىر پروبلەمالار رەتىندە تالقىلاندى. مەملەكەت باسشىسى دەنساۋلىق سالاسىنىڭ جانە جەكەلەگەن وڭىرلەردىڭ ىندەتپەن كۇرەستەگى قاتەلىكتەرىن اشىپ ايتىپ، ەشكىمنىڭ دە كومەكسىز قالمايتىنىن اتاپ كورسەتتى»، - دەدى ا. جولدىبالينا.

ايتا كەتەيىك، كەشە ق ر پرەزيدەنتى قاسىم-جومارت توقايەۆ رەسپۋبليكالىق تەلەارنالار ارقىلى ەلىمىزدە قالىپتاسقان احۋالعا بايلانىستى ۇندەۋ جاسادى. پرەزيدەنت 13- شىلدەنى ۇلتتىق ازا تۇتۋ كۇنى دەپ جاريالادى.