+7 (701) 759 90 19
25 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ەلوردادا بىلتىر وتىرعىزىلعان الما اعاشتارى جەمىس بەرە باستادى

9 شىلدە 07:51
:ءبولىسۋ
ەلوردادا بىلتىر وتىرعىزىلعان الما اعاشتارى جەمىس بەرە باستادى

نۇر-سۇلتان. قازاقپارات - بوتانيكالىق باقتا وتكەن جىلى قازاقستان حالقىنىڭ بىرلىگى كۇنى وتىرعىزىلعان الما اعاشتارى تامىر جايدى، دەپ حابارلايدى قازاقپارات قالا اكىمدىگىنە سىلتەمە جاساپ.

ەسكە سالايىق، اتىراۋلىق فەرمەر تاميلا روزمەتوۆا جاستار جىلىنىڭ اشىلۋ سالتاناتىندا ەلوردادا الما باعىن وتىرعىزۋدى ۇسىندى. كوپ ۇزاماي، ەلباسى تاپسىرماسى بويىنشا قالا اكىمدىگى بوتانيكالىق باققا الما كوشەتتەرىن وتىرعىزۋ ءۇشىن جەر تەلىمىن انىقتادى.

«الما اعاشتارى شىنىمەن دە سۋىققا ءتوزىمدى بولىپ شىقتى. ولار قىستان امان شىعىپ، جاقسى گۇلدەدى! اعاشتار ءساتتى بەيىمدەلىپ، جەرسىنۋى ءۇشىن ءتيىستى كۇتىم، ۋاقىتىلى سۋارۋ جانە قاردان قورعاۋدى قاجەت ەتتى. وسىنداي كۇتىم جاعدايىندا اعاشتار ءوسىپ، الداعى جىلدارى جەمىستى الما باعىنا اينالادى دەپ سەنەمىز»، - دەيدى ەلوردالىق بوتانيكالىق باق ماماندارى.

جاستار ساياساتى باسقارماسىنىڭ ءبولىم باسشىسى باقىتجان جۇنىسبەكوۆ وتكەن جىلى الما اعاشتارىن وتىرعىزۋعا قاتىسقانداردىڭ ءبىرى.

«كەشە وتباسىممەن سەرۋەندەپ كەلىپ، ارنايى الما اعاشتارىن ارالاپ، جەمىس بەرگەنىن كورىپ بويىمدى ەرەكشە ءبىر قۋانىش بيلەدى. ەلىمىزدىڭ جاستارى دا كوپ كۇتتىرمەي وسى اعاشتار سياقتى جەمىس بەرىپ، ەل مۇددەسىن بارىنەن بيىك قويىپ، مەملەكەتىمىزدى تەك العا جەتەلەسىن دەپ تىلەك تىلەدىم»، - دەيدى ب. جۇنىسبەكوۆ.

قازىرگى ۋاقىتتا بوتانيكالىق باقتا الما اعاشتارىنىڭ سەگىز ءتۇرى وسەدى: بەلارۋس سينابى، تاڭقۋراي، الەزيا، يمانت، فريدوم، نادزەينى، ساكاۆيتا جانە قازاقستان استاناسى قۇرمەتىنە اتالعان المانىڭ جاڭا سورتى - Nur- Sultan.

ولاردىڭ بارلىعى ايازعا ءتوزىمدى، ونىمدىلىگى جوعارى جانە جەمىستەرى ۇزاق ساقتالادى. بوتانيكالىق باقتا بيىكتىگى 1,2-1,5 مەتر بولاتىن بارلىعى 800 الما اعاشى وتىرعىزىلدى. اعاشتارعا كۇتىم جاساۋ ءۇشىن زاماناۋي تامشىلاتىپ سۋارۋ جۇيەلەرى قولدانىلادى.

جالپى، بيىل ەلوردانى كوگالداندىرۋ اياسىندا 30 مىڭ اعاش جانە 6 ميلليونعا جۋىق گۇل وتىرعىزىلادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات