قاسىم- جومارت توقايەۆ: كوروناۆيرۋسقا قاراپايىم تۇماۋ دەپ قاراۋ - قاتە پىكىر

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ حالىقتى كوروناۆيرۋس قاۋپىن شەتكە ىسىرماۋعا، ساق بولۋعا شاقىردى، دەپ حابارلايدى قازاقپارات ءتىلشىسى.

«كوروناۆيرۋسقا قاتىستى احۋال كۇردەلى كۇيدە قالىپ وتىر. الايدا باسقا مەملەكەتتەرمەن پروپورتسيونالدى تۇرعىدا ويلايتىن بولساق، باسقا ەلدەردەن قاراعاندا ءبىزدىڭ ەلدەگى جاعداي جاقسى بولماسا، جامان ەمەس. الايدا وسىناۋ قالىپتاسقان جاعدايعا قاراپ قانا وتىرا بەرمەيمىز. الدا ۇلكەن جۇمىس كۇتىپ تۇر. بۇكىل قوعام بولىپ ونى جۇرگىزۋىمىز كەرەك»، - دەدى قاسىم- جومارت توقايەۆ رەسپۋبليكالىق تەلەارنالار ارقىلى ەلىمىزدە قالىپتاسقان احۋالعا بايلانىستى ۇندەۋىندە.

سونىمەن بىرگە پرەزيدەنت كوروناۆيرۋس قاۋپىن شەتكە ىسىرۋعا بولمايتىنىن جەتكىزدى. «بۇعان قاراپايىم تۇماۋ دەپ قاراۋ - قاتە پىكىر. بۇل وتە قاۋىپتى ءارى جاۋىز اۋرۋ. الەمدە بۇل اۋرۋدى جۇقتىرعاندار سانى 12 ميلليونعا جەتتى. قايتىس بولعانداردىڭ سانى ارتىپ بارادى»، - دەدى ول.

«مەملەكەت جاعدايدى تۇراقتاندىرۋ ءۇشىن بارلىق شارانى قابىلداپ جاتىر. العاشقى مەديتسينالىق كومەك قىزمەتتەرى كۇشەيتىلۋدە. ۇيدە حالىققا كەشەندى مەديتسينالىق قىزمەتتەردى كورسەتۋ ءۇشىن 400 امبەباپ موبيلدى بريگادا قۇرىلدى. شىلدە ايىنىڭ سوڭىنا دەيىن ولاردىڭ سانى 3,5 مىڭعا دەيىن جەتكىزىلەدى»، - دەدى قاسىم- جومارت توقايەۆ.

پرەزيدەنتتىڭ ايتۋىنشا اۋرۋحانالارداعى توسەك ورىندارىنىڭ سانىن كوبەيتۋ جۇمىستارى باستالىپ كەتكەن. «مەن نۇسقاۋ بەرگەن ساتتەن باستاپ كوروناۆيرۋسپەن اۋىراتىن ناۋقاستارعا ارنالعان توسەك- ورىن سانى % 70- عا ارتىپ، 43 مىڭعا دەيىن جەتكىزىلدى. بۇل جۇمىسقا اسكەري دارىگەرلەرلەر دە بەلسەندى ارالاسىپ جاتىر. قارۋلى كۇشتەردىڭ رەسۋرستارىنىڭ ارقاسىندا 500-دەن استام توسەك ورنالاستىرىلدى. ەرەكشە تارالۋ وشاقتارى ورنىندا دالالىق اۋرۋحانالار جاساقتالۋدا»، - دەدى ول.

اۆتور: ايان بەكەن ۇلى


سوڭعى جاڭالىقتار