قازاقستاننىڭ دەنساۋلىق ساقتاۋ جۇيەسى كوروناۆيرۋسپەن كۇرەسكە دايىن بولمادى - توقايەۆ
«ىندەتپەن كۇرەستىڭ ناتيجەلى بولۋى ەڭ الدىمەن بارشا جۇرتتىڭ سانالى ارەكەتى مەن جاۋاپكەرشىلىگىنە بالانىستى. بۇل وتە قاۋىپتى، باتپانداپ كىرەتىن، مىسقالداپ شىعاتىن دەرت. كوروناۆيرۋستىڭ تارالۋىنا بايلانىستى دەنساۋلىق ساقتاۋ جۇيەسىنە كوپ اۋىرتپالىق تۇسۋدە. اشىعىن ايتۋ كەرەك، دەنساۋلىق ساقتۋ جۇيەسى ىندەتكە تويتارىس بەرۋگە دايىن بولعان جوق»، - دەدى مەملەكەت باسشىسى.
ق ر پرەزيدەنتى وسى ماسەلە بويىنشا تەرگەۋ جۇرگىزىلەتىندىگىن جانە بۇل جاعدايدان ساباق الاتىندىعىمىزدى باسا ايتتى.
«كوروناۆيرۋس قاۋپىنە بايلانىستى پاندەميا باستالعالى ءبىز ەلدەگى ۆيرۋستىڭ تارالۋىنا شەكتەۋ ءۇشىن بىردەن باتىل ءارى قاتاڭ شارالاردى قولعا الدىق. بۇل شارالار كوپتەگەن ادامنىڭ ءومىرىن ساقتاپ قالۋعا مۇمكىندىك بەردى. الايدا ازاماتتاردىڭ كارانتين شارالارىن جاپپاي ساقتاماۋىنان، دەنساۋلىق ساقتاۋ مينيسترلىگىنىڭ بۇرىنعى باسشىلىعىنىڭ جۇيەلى قاتەلىكتەرىنەن جانە اكىمدەردىڭ سىلبىرلىعىنان ءبىز كوروناۆيرۋستىڭ ەكىنشى تولقىنىمەن، پنيەۆمونيانىڭ شۇعىل وسىمىمەن بەتپە- بەت كەلدىك»، - دەدى دەدى قاسىم- جومارت توقايەۆ رەسپۋبليكالىق تەلەارنالار ارقىلى ەلىمىزدە قالىپتاسقان احۋالعا بايلانىستى ۇندەۋىندە.
وسى سەبەپتى پرەزيدەنت مەملەكەتتىك كوميسسيا ەكى اپتالىق كارانتين شارالارىن ەنگىزگەنىن ايتىپ ءوتتى. «بۇل - دۇرىس شەشىم. قازىرگى ۋاقىتتا جاعدايدىڭ اقىرىنداپ تۇراقتالۋىنىڭ العاشقى بەلگىلەرى بايقالا باستادى»، - دەدى ول.
اۆتور: مارلان جيەمباي