الداعى ەكى اپتا ءبىزدىڭ بولاشاق قادامدارىمىز ءۇشىن شەشۋشى كەزەڭ بولماق - قاسىم- جومارت توقايەۆ

نۇر- سۇلتان. قازاقپارات - الداعى ەكى اپتا ءبىزدىڭ بولاشاق قادامدارىمىز ءۇشىن شەشۋشى كەزەڭ بولماق. بۇل تۋرالى رەسپۋبليكالىق تەلەارنالار ارقىلى ەلىمىزدە قالىپتاسقان احۋالعا بايلانىستى ۇندەۋ جاساعان ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«قۇرمەتتى، وتانداستار! بارشاڭىزعا ءمالىم، قازىر الەمدەگى پاندەمياعا بايلانىستى قالىپتاستان جاعداي كۇردەلەنە تۇسۋدە. كوروناۆيرۋستىڭ تارالۋى باسەڭدەمەي وتىر. كەيبىر ەلدەردە بۇل ىندەت قايتادان ۋشىعىپ بارا جاتىر. الەم بويىنشا وسى ۆيرۋستى جۇقتىرعانداردىڭ سانى شامامەن 12 ميلليونعا جەتتى. سونىڭ سالدارىنان 500 مىڭنان استام ادام قايتىس بولدى. سول سەبەپتى ءبىرقاتار ەلدەردە كارانتين تالاپتارى قايتا كۇشەيتىلىپ، اۋە، كولىك قاتىناسى قايتادان شەكتەلدى. وكىنىشكە قاراي، ءبىزدىڭ ەلدەگى جاعداي دا وڭاي بولىپ تۇرعان جوق. مەملەكەتتىك كوميسسيانىڭ شەشىمىمەن 5 - شىلدەدەن باستاپ ەلىمىزدە 2 اپتالىق مەرزىمگە كارانتيندىك شارالارى ەنگىزىلدى. بۇل اسا قاجەتتى شەشىم بولدى. جاعدايدىڭ تۇراقتالاتىندىعى ءسوزسىز. ونىڭ العاشقى بەلگىلەرى دە بار. سوندىقتان الداعى ەكى اپتا ءبىزدىڭ بولاشاق قادامدارىمىز ءۇشىن شەشۋشى كەزەڭ بولماق»، - دەدى مەملەكەت باسشىسى.

ق ر پرەزيدەنتى وسى ورايدا بارشا ازاماتتاردى كارانتين تالاپتارىن قاتاڭ ساقتاۋعا شاقىردى.

اۆتور: مارلان جيەمباي