+7 (701) 759 90 19
27 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ۇكىمەت داعدارىسقا قارسى شارالارعا بولگەن قاراجات قايدا جۇمسالادى

8 شىلدە 19:29
:ءبولىسۋ
ۇكىمەت داعدارىسقا قارسى شارالارعا بولگەن قاراجات قايدا جۇمسالادى

نۇر- سۇلتان. قازاقپارات – ق ر ۇكىمەتى داعدارىسقا قارسى شارالارعا 5 تىريلليون 938 ميلليارد تەڭگە قارجى ءبولدى.

بۇل تۋرالى ق ر قارجى ءمينيسترىنىڭ ءبىرىنشى ورىنباسارى بەرىك شولپانقۇلوۆ ايتتى، دەپ حابارلايدى قازاقپارات ءتىلشىسى.

«ۇكىمەت ەلدەگى الەۋمەتتىك- ەكونوميكالىق تۇراقتىلىق پەن جۇمىسپەن قامتۋدى قولداۋعا باعىتتالعان داعدارىسقا قارسى شارالاردى ىسكە اسىرۋدا. داعدارىسقا قارسى شارالارعا 5 تىريلليون 938 ميلليارد تەڭگە قارجى ءبولىندى. ونىڭ 3 تىريلليون 462 ميلليارد تەڭگەسى - رەسپۋبليكالىق بيۋدجەت ەسەبىنەن، 2 تىريلليون 476 ميلليارد تەڭگەسى - بيۋدجەتتەن تىس قاراجات ەسەبىنەن»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

بەرىك شولپانقۇلوۆتىڭ اتاپ وتۋىنشە، جۇمىسپەن قامتۋ جول كارتاسىن قارجىلاندىرۋعا 1 تىريلليون تەڭگە كوزدەلگەن. ونىڭ ىشىندە رەسپۋبليكالىق بيۋدجەت قاراجاتى ەسەبىنەن 300 ميلليارد تەڭگە، بيۋدجەتتەن تىس قاراجات ەسەبىنەن 700 ميلليارد تەڭگە قاراستىرىلىپ وتىر. بۇل قاراجات وڭىرلەرگە ينفراقۇرىلىمدىق جوبالاردى جۇزەگە اسىرۋعا جانە 250 مىڭ جۇمىس ورنىن اشۋعا مۇمكىندىك بەرەدى.

«بيزنەس سۋبەكتىلەرىنىڭ اينالىم كاپيتالىن 8 پايىز جەڭىلدىكپەن كرەديتتەۋ جانە ينۆەستيتسيالىق جوبالاردى جىلدىق 6 پايىز جەڭىلدىكپەن كرەديتتەۋدى كەڭەيتۋ اياسىندا «قاراپايىم زاتتار ەكونوميكاسى» باعدارلاماسى بويىنشا 1 تىريلليون تەڭگە كوزدەلگەن»،- دەدى ءبىرىنشى ۆيتسە- مينيستر.

ونىڭ اتاپ وتۋىنشە، 15 ميلليون شارشى مەتر تۇرعىن ءۇي سالۋ ءۇشىن، قوسىمشا 390 ميلليارد تەڭگە بيۋدجەتتەن تىس قاراجات جۇمسالادى. ر ب سالىق كىرىستەرىنىڭ شىعىندارىن وتەۋ جانە مەملەكەتتىڭ بارلىق الەۋمەتتىك مىندەتتەمەلەرىن ورىنداۋعا 1,7 تىريلليون تەڭگە ءبولىنىپ وتىر. شاعىن، ورتا جانە ەكونوميكانىڭ زارداپ شەككەن سەكتورلارىندا ءىرى بيزنەس ءۇشىن سالىقتار مەن الىمداردى تولەۋدەن بوساتۋدى ۇسىنۋعا بايلانىستى جەرگىلىكتى بيۋدجەت شىعىندارىن وتەۋگە 237 ميلليارد تەڭگە كوزدەلگەن. 313 ميلليارد تەڭگە الەۋمەتتىك تولەمدەردىڭ زەينەتاقىلار، جاردەماقىلار، اتاۋلى الەۋمەتتىك كومەكتەردى 10 پايىزعاعا دەيىن قوسىمشا يندەكستەۋگە، ستيپەنديالاردى ارتتىرۋعا جانە كوممۋنالدىق قىزمەتتەردى تولەۋ بويىنشا حالىقتىڭ تولەمدەرىن وتەۋگە جۇمسالادى.

«مەملەكەتتىك باعدارلامالاردى كەڭەيتۋگە 240 ميلليارد تەڭگە كوزدەلگەن. ونىڭ ىشىندە: اگروونەركاسىپتىك كەشەندى سۋبسيديالاۋعا 50 ميلليارد تەڭگە؛ «ەڭبەك» مەملەكەتتىك باعدارلاماسى بويىنشا ەڭبەك نارىعىن دامىتۋعا 50 ميلليارد تەڭگە؛ «بيزنەستىڭ جول كارتاسى - 2025» مەملەكەتتىك باعدارلاماسى اياسىندا سىياقى مولشەرلەمەسىن سۋبسيديالاۋ جانە كرەديتتەر بويىنشا كەپىلدىك بەرۋگە 84,5 ميلليارد تەڭگە؛ «اۋىل - ەل بەسىگى» جوباسى بويىنشا اۋىلدىق ەلدى مەكەندەردە الەۋمەتتىك جانە ينجەنەرلىك ينفراقۇرىلىمدى دامىتۋعا 55 ميلليارد تەڭگە»، - دەدى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات