الماتىلىق كومپانيا كوروناۆيرۋس ەمدەيتىن ءدارىنى شىعارۋدى مەڭگەردى

نۇر-سۇلتان. قازاقپارات - الماتىدا ءدارى- دارمەككە دەگەن سۇرانىستىڭ ارتۋىنا بايلانىستى وتاندىق فارمكومپانيالار ءوندىرىس كولەمىن ۇلعايتۋدا.

ماسەلەن، قالاداعى فارماتسيەۆتيكالىق فابريكالاردىڭ ءبىرى ازيتروميتسين ءدارىسىنىڭ 300 مىڭ قوراپشاسىن شىعارۋدى جوسپارلاپ وتىر. تەك وتكەن جىلى عانا فابريكا اتالعان ءدارىنىڭ 600 مىڭ قوراپشاسىن ءوندىرىپ، مەديتسينالىق قۇرىلىمداردى قامتاماسىز ەتتى. ەڭ باستىسى، وتاندىق كومپانيا كوروناۆيرۋستى ەمدەيتىن ءدارىنىڭ تەحنولوگياسىن مەڭگەردى. كارانتين كەزىندە جۇمىسىن توقتاتپاعان فابريكانىڭ ماماندارى ءدارى جاساۋدىڭ ءتاسىلىن قىتاي جانە جاپون ارىپتەستەرىنەن ۇيرەنگەن.

سۆەتلانا كيل، فارماتسيەۆتيكالىق كومپانيانىڭ اتقارۋشى ديرەكتورى:

- ءبىز فارماتسيەۆتيكالىق دامۋ ۇردىسىنەن قالىسپاي كەلەمىز. مىنا ەكى بليست ءوزىمىزدىڭ فابيپيروۆير. مۇنى تەحنولوگيا ترانسفەرى ارقىلى ءوزىمىزدىڭ فابريكادا يگەردىك. ەگەر الداعى ۋاقىتتا بۇل ەكى ءدارى تىركەۋدەن وتسە، قازان ايىندا قالالىق ءدارىحانالاردا ساتىلا باستايدى.

www.24.kz