كولۋمبيادا يت تاۋار تاسىپ ءجۇر

نۇر-سۇلتان. قازاقپارات - كولۋمبيانىڭ مەدەلين قالاسىندا حالىققا ازىق- تۇلىكتى كادىمگى ءتورت اياقتى جانۋار، يت تاسىپ ءجۇر.

ەروس اتتى 8 جاسار لابرادور تۇقىمدى يت سوڭعى بىرنەشە اي بويى قوجايىندارىنا قولعابىس قىلۋدا. توبەت ازىق- تۇلىك سالىنعان سەبەتتى تۇرعىندارعا جەتكىزىپ بەرەدى. اقىلدى يت بۇرىن ءتاتتى- ءدامدىسىن ۇسىنىپ، ەركەلەتكەن ادامداردىڭ ءۇيىن جاتتاپ العان. پاندەميا كەزىندە ءيتتىڭ كومەگى كوپ ءتيدى. كوپ ادام ەروستىڭ ارقاسىندا دالاعا شىعىپ، دۇكەنگە بارماي، ۇيلەرىندە قاجەتتى تاۋارلارىن الىپ وتىر. بۇگىندە كولۋمبيادا 214 مىڭنان استام ادام ۆيرۋسقا شالدىققان. 4 مىڭ ادام ىندەتتەن كوز جۇمدى.

ماريا ناتيۆيداد بوتەرو، ءيتتىڭ قوجايىنى:

- ول ادامداردىڭ اتى- جوندەرى مەن مەكەنجايلارىن جاتتاپ الادى. ءوزىنىڭ ەڭبەگى ءۇشىن وعان تۇرعىندار ريزا بولىپ، ءدامدى تاماق ۇسىنادى. ءبىز ونىڭ تاۋار تاسي الاتىنىن بايقادىق، ارنايى سەبەت ساتىپ الىپ بەردىك. قازىر ءبىزدىڭ تۇراقتى كليەنتتەرىمىز بار.

نورا ەلەنا ەرناندەس، ساتىپ الۋشى:

- ەروس وتە اقىلدى يت. الاڭعاسارلىعى جوق. قازىرگى قيىن جاعدايدا، ۆيرۋس كوپ كەزدە، ءبىز ۇيدەن دالاعا كوپ شىعىپ جۇرگەن جوقپىز.

قازىر توبەتتىڭ جۇمىسى كوبەيدى، ۇنەمى تاۋار تاسىپ جۇرەدى.

www.24.kz