ا ق ش شەتەل ستۋدەنتتەرىن ەلدەن شىعارۋى مۇمكىن

None
None
ۆاشينگتون. قازاقپارات – ا ق ش- تا ءبىلىم الىپ جاتقان شەتەل ستۋدەنتتەرى كۇزگى سەمەستردە وقۋ ونلاين تۇردە جۇرگىزىلەتىن بولسا ءوز ەركىمەن ەلدەن كەتۋگە ءماجبۇر بولادى.

بۇل تۋرالى ەلدىڭ شەكارا جانە يمميگراتسيا ماسەلەلەرى بويىنشا اگەنتتىگى حابارلاپ، تارتىپكە باعىنباعانداردى دەپورتاتسيالايتىن ايتىپ قورقىتتى، دەپ حابارلايدى قازاقپارات bbc.com-عا سىلتەمە جاساپ.

ەلدە كوروناۆيرۋس جۇقتىرعاندار سانى 2,9 ميلليونعا جەتتى. بىرنەشە بەدەلدى ۋنيۆەرسيتەت قاۋىپسىزدىك ماقساتىندا كۇزگى ماۋسىمدا عانا ەمەس، كەلەسى جىلى تولىعىمەن ونلاين فورماتتا ءبىلىم بەرەتىنىن مالىمدەدى.

ايتپەسە دەپورتاتسيا

وزگەرىستەر ا ق ش- تا F-1 جانە M-1 ۆيزاسىمەن جۇرگەندەردىڭ بارلىعىنا قاتىستى. ۆيزانىڭ ءبىرىنشى ءتۇرى ەلدە ءبىلىم الۋ ءۇشىن حالىقارالىق ستۋدەنتتەرگە بەرىلەدى، ەكىنشىسى - كاسىبي كۋرستارعا، مىسالى بىلىكتىلىگىن ارتتىرۋعا ارنالعان. شەكارا جانە يمميگراتسيالىق ماسەلەلەر بويىنشا اگەنتتىكتىڭ حابارلاۋىنشا، ەگەر ۋنيۆەرسيتەت كۇزگى سەمەستردە تولىعىمەن ونلاين وقۋعا كوشسە، ەلدە قالعىسى كەلگەن ستۋدەنتتەر قانداي دا ءبىر قادامعا بارۋ كەرەك. ماسەلەن، سول سەمەستردە ونلاين جۇيەگە كوشپەگەن باسقا ج و و- نا اۋىسۋىنا بولادى. مۇنداي تالاپتاردى ورىنداماعانداردى دەپورتاتسيالانۋى مۇمكىن.

گارۆاردتىڭ جاۋابى

الەمدەگى ەڭ تانىمال ۋنيۆەرسيتەتتەردىڭ ءبىرى - گارۆارد، كۇز ماۋسىمىندا وقۋ ونلاين فورماتتا بولاتىنىن مالىمدەگەن. ۋنيۆەرسيتەت پرەزيدەنتى لارري باكوۋ امەريكا بيلىگىنىڭ شەشىمىن ورىنسىز دەپ باعالادى. «بۇل شەشىم كوپ ۋنيۆەرسيتەتتىڭ ءۇمىتىن ءۇزدى. ولار جاھاندىق پاندەميا كەزىندە ستۋدەنتتەر دەنساۋلىعىن ساقتاي وتىرىپ وقۋىن جالعاستىرۋ ءۇشىن بارلىق جاعدايدى جاساعان ەدى» ، - دەدى باكوۋ. ول گارۆارد باسقا ۋنيۆەرسيتەتتەرمەن بىرلەسىپ بۇل ماسەلەنى شەشۋگە، ستۋدەنتتەر دەپورتاتسيادان قورىقپاي وقۋىن جالعاستىرا بەرۋى ءۇشىن بار كۇشىن سالۋعا ۋادە ەتتى.

بۇل الاياقتىق ەمەس

ا ق ش- تىڭ كوشى- قون ساياساتى قاتال: ەل بۇرىن دا ونلاين ءبىلىم العىسى كەلگەندەرگە ۆيزا بەرمەي قويعان ەدى.

«قازىر اڭگىمە ۇياتسىز ۋنيۆەرسيتتەر نەمەسە الاياقتىق تۋرالى بولىپ تۇرعان جوق. ءبىز باسقا كەزدەرى ارنايى باعدارلامالارمەن ستۋدەنتتەرىن وقىتاتىن ءىرى ۋنيۆەرسيتەتتەر تۋرالى ايتىپ وتىرمىز»، - دەدى ۆاشينگتوندىق قوسپارتيالىق ساياسات ساراپتاما ورتالىعىنىڭ ميگراتسيالىق ساياسات ساراپشىسى تەرەزا كاردينال براۋن.

بي- بي- سي پىكىرلەسكەن ستۋدەنتتەر ج و و- نا شەتەل ستۋدەنتتەرى بولعان ءتيىمدى ەكەنىن ايتتى. سەبەبى ولار امەريكالىقتاردان ارتىق اقشا تولەيدى. ا ق ش ساۋدا مينيسترلىگىنىڭ 2018 -جىلعى دەرەگى بويىنشا، ەلگە شەتەل ستۋدەنتتەرىنەن تۇسەتىن تابىس 45 ميلليارد دوللاردى قۇراعان.

سوڭعى جاڭالىقتار