+7 (701) 759 90 19
27 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاننىڭ باس ءمۇفتيى ءدارى باعاسىن قىمباتتاتىپ جاتقاندارعا ۆيدەوۇندەۋ جولدادى

8 شىلدە 14:29
:ءبولىسۋ
قازاقستاننىڭ باس ءمۇفتيى ءدارى باعاسىن قىمباتتاتىپ جاتقاندارعا ۆيدەوۇندەۋ جولدادى

نۇر-سۇلتان. قازاقپارات - قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى ءدارى باعاسىن قولدان قىمباتتاتپاۋعا شاقىردى، دەپ حابارلايدى قازاقپارات ءتىلشىسى.

«اسىل دىنىمىزدە قاجەت ۋاقىتتا كەرەك كومەكتى جاساۋ ۇلكەن ساۋاپتى امالدىڭ بىرىنە جاتادى. سىندارلى ساتتە ناۋقاس جاندارعا قاجەتتى ءدارى- دارمەكتى جەتكىزىپ، العىسىن الايىق. ءدارى باعاسىن قولدان قىمباتتاتۋعا جول بەرمەي، جاقسىلىق جاساۋعا اسىعايىق. ال جۇرتىمىزدى جۇقپالى ىندەتتەن اراشالاپ الۋعا بار كۇشىن جۇمساپ، ءجان-تانىمەن قىزمەت ەتىپ جۇرگەن اق حالاتتى ابزال جاندارعا جىلى ءسوزىمىزدى ارناپ، جىگەرىن وياتايىق. ولار ءۇشىن ءاردايىم دۇعادا بولايىق»، - دەدى ق م د ب ءتوراعاسى ۆيدەوۇندەۋدە.

باس ءمۇفتيدىڭ كوپتەگەن ازامات سىناق ساتىندە ساداقا بەرىپ، قۇربان شالىپ، دۇعا ەتىپ جاتقاندىعىن اتاپ ءوتتى. ساداقامىز بەن قۇرباندىعىمىز وسى ءبىر ناۋبەتتى كەزەڭنەن امان- ەسەن وتۋگە سەبەپكەر بولسىن دەگەن تىلەگىن جەتكىزدى.

«ءبىز تاعى دا جاماعاتپەن دۇعا جاساپ، يستيعفار، سالاۋات ايتۋعا نيەت ەتىپ وتىرمىز. حالىق دانالىعى: «كوپ تىلەگى كول بولار» دەيدى. بارشاڭىزدى كوپپەن بىرگە ەل يگىلىگى ءۇشىن دۇعا جاساپ، سالاۋات پەن يستيعفار ايتۋعا شاقىرامىن.

حالقىمىز: «اۋىر جول - اتاڭدى سىنايدى، اۋىر ءىس - ادامدى سىنايدى» دەگەن. راسىندا بۇل سىناق جاس پەن جاسامىسقا وڭاي ءتيىپ جاتقان جوق. اللا تاعالا دەرتكە شالدىققاندارعا شيپا بەرىپ، ءدام- تۇزى تاۋسىلعان جانداردى مەيىرىمىنە العاي. ءامين!»، - دەدى ناۋرىزباي قاجى تاعان ۇلى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات