+7 (701) 759 90 19
29 °С : نۇر-سۇلتان
35 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

تەرىسقاقپاي تەاترىنىڭ ءارتىسى، تانىمال اكتەر دارحان دايىربەك ومىردەن وزدى

8 شىلدە 11:45
:ءبولىسۋ
تەرىسقاقپاي تەاترىنىڭ ءارتىسى، تانىمال اكتەر دارحان دايىربەك ومىردەن وزدى

نۇر-سۇلتان. قازاقپارات - قازاقستاننىڭ مادەنيەت قايراتكەرى، تانىمال اكتەر دارحان دايىربەك 52 جاسىندا ومىردەن وزدى.

بۇل تۋرالى رەجيسسەر ءارى پروديۋسەر نۇرتاس ادامباي Facebook-پاراقشاسىندا جازدى، دەپ حابارلايدى قازاقپارات ءتىلشىسى.

«بۇگىن تۇندە تانىمال اكتەر دارحان دايىربەك ومىردەن وزدى. ءبىزدىڭ ستۋديا بارلىق تۋعان- تۋىستارى مەن جاقىندارىنا قايعىرىپ كوڭىل ايتادى. دارحان اعا بارلىق ۋاقىتتا وتە كوڭىلدى جۇرەتىن، قايىرىمدى ەدى. ءبىز ونىڭ ءدال سونداي جارقىن بەينەسىن ەستە ساقتاپ قالامىز. داكە، رولدەرىڭىز ءۇشىن، جۇمىسقا، ادامدارعا دەگەن قارىم-قاتىناسىڭىز ءۇشىن راحمەت. يماندى بولىڭىز!»، - دەپ جازدى نۇرتاس ادامباي.


1968 -جىلى الماتى قالاسىندا دۇنيەگە كەلگەن دارحان دايىربەك جۇرگەنوۆ اتىنداعى قازاق ۇلتتىق ونەر اكادەمياسىن بىتىرگەن. اكادەميانى اياقتاعاننان كەيىن عابيت مۇسىرەپوۆ اتىنداعى بالالار مەن جاسوسپىرىمدەر تەاترىندا جۇمىس ىستەگەن.

«تەرىسقاقپاي» تەاترىنىڭ ءارتىسى رەتىندە دە كورەرمەننىڭ ىستىق ىقىلاسىنا بولەنگەن. ول كينو اكتەر رەتىندە «اكىم»، «قۇدالار»، «تامادا ءىسى»، «قازاقشا توناۋ» فيلمدەرىنە، «باستىق بولامىن»، «باقىتسىزدار باعى»، «ەلدىڭ بالاسى»، «كۇي- عۇمىر» سەريالدارىنا تۇسكەن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات