ا ق ش دۇنيەجۇزىلىك دەنساۋلىق ساقتاۋ ۇيىمىنان شىعاتىنىن رەسمي مالىمدەدى
بۇل تۋرالى قازاقپارات ب ۇ ۇ جاڭالىقتار ورتالىعىنا سىلتەمە جاساپ حابارلايدى.
ا ق ش بۇل تۋرالى ددۇ جارعىسىنىڭ دەپوزيتاريى سانالاتىن - ب ۇ ۇ باس حاتشىسى انتونيۋ گۋتەرريشتى حاباردار ەتكەن.
شەشىم 2021-جىلى 6- شىلدەدە كۇشىنە ەنۋى ءتيىس. اقپاراتتى ب ۇ ۇ باس حاتشىسىنىڭ باسپا ءسوز حاتشىسى ستەفان ديۋجارريك راستادى.
قۇراما شتاتتارى 1948-جىلدىڭ 21- ماۋسىمىنان بەرى دۇنيەجۇزىلىك دەنساۋلىق ساقتاۋ ۇيىمىنىڭ قۇرامىندا. الەم ەلدەرى دۇنيەجۇزىلىك دەنساۋلىق ساقتاۋ ۇيىمىنا بەلگىلى ءبىر شارتپەن قابىلدانادى.
ۇيىم قۇرامىنان شىعۋعا نيەتتى مەملەكەت بۇل قادامى تۋرالى ءبىر جىل بۇرىن حاباردار ەتۋگە ءتيىس.
سونداي-اق د د ۇ الدىنداعى ءوزىنىڭ قارجىلىق مىندەتتەمەلەرىن تولىق وتەۋگە مىندەتتى.
ال ب ۇ ۇ باس حاتشىسى د د ۇ جارعىسىنىڭ دەپوزيتاريى رەتىندە ول مەملەكەتتىڭ ۇيىمنان شىعۋى ءۇشىن بارلىق شارتتاردىڭ ساقتالعان-ساقتالماعانىن تەكسەرەدى.