الەمدەگى احۋال: برازيليا پرەزيدەنتى كوروناۆيرۋس جۇقتىردى
بۇل تۋرالى قازاقپارات BBC - گە سىلتەمە جاساپ حابارلايدى.
بۇعان دەيىن كوروناۆيرۋستىڭ قاۋىپتىلىگىن جوققا شىعارىپ كەلگەن برازيليا پرەزيدەنتى جاير بولسونارۋ وزىنەن COVID-19 انىقتالعانىن راستادى.
ول سوڭعى بىرنەشە ايدا ءتورتىنشى رەت تەست تاپسىرۋعا ءماجبۇر بولعان. سەبەبى ىستىعى كوتەرىلگەن. سونىمەن بىرگە ءوزىنىڭ جاعدايى جاقسى ەكەنىن، تەك جەڭىل تۇردەگى بەلگىلەر بايقالاتىنىن ايتقان.
ال جەكسەنبى كۇنى برازيليا باسشىسى دەنساۋلىعى ناشارلاعانىن مالىمدەدى.
65 جاستاعى بولسونارۋ سەنبى كۇنى ا ق ش ەلشىسىمەن كەزدەسۋ كەزىندە ماسكا تاقپاي تۇسكەن سۋرەتىن جاريالاعان بولاتىن. ول كوروناۆيرۋس بار-جوعى جەڭىل تۇردەگى سۋىق تيۋ ەكەنىن بىرنەشە رەت ايتقان ەدى.
دجونس حوپكينس ۋنيۆەرسيتەتىنىڭ مالىمەتىنشە، الەم بويىنشا كورناۆيرۋس جۇقتىرعاندار سانى - 11 ميلليون 798 مىڭ 678 ادام.
قاۋىپتى ۆيرۋستان 543538 ناۋقاس كوز جۇمدى، 6,3 ميلليونى ساۋىعىپ شىقتى.
ىندەتتى جۇقتىرعاندار سانى ەڭ كوپ 10 ەلدىڭ ءتىزىمى:
ا ق ش - 2993759
برازيليا - 1668589
ءۇندىستان - 719665
رەسەي - 693215
پەرۋ - 309278
چيلي - 301019
ۇلى بريتانيا - 287874
مەكسيكا - 268008
يسپانيا - 252130
يران - 245688