جاڭا رەكورد: سپورت تاريحىنداعى ەڭ قوماقتى كەلىسىمشارت

نۇر-سۇلتان. قازاقپارات - ا ق ش- تا امەريكا فۋتبولىنان ۇلتتىق فۋتبول ليگاسىندا باق سىنايتىن «كانزاس- سيتي چيفس» كومانداسى ويىنشىسىمەن رەكوردتىق كەلىسىمشارتقا وتىردى.

«كانزاس-سيتي چيفس» كومانداسى پاتريك ماحوۋمسپەن ون جىلعا كەلىسىمشارتقا وتىردى. وسى ۋاقىت ارالىعىندا سپورتشى 503 ميلليون دوللار تابىس تابادى. بۇل سپورت تاريحىنداعى ەڭ قوماقتى كەلىسىمشارت بولماق.

بۇگىندە رەكورد بەيسبولشى مايك تراۋتۋعا تيەسىلى. 2019-جىلى ول «لوس-اندجەلەس ەندجەلس» كومانداسىمەن 12 جىلعا كەلىسىمشارتقا قول قويعان. مايك تراۋتۋ 12 جىلدا 430 ميلليون دوللار قارجى الادى.

پاتريك ماحوۋمس پەن «كانزاس-سيتي چيفس» كومانداسى اراسىنداعى كەلىسىمشارت 2022-جىلى كۇشىنە ەنەدى. ال وعان دەيىن سپورتشى 27,6 ميلليون دوللار تابىس تابادى.

بيىلعى ماۋسىمدا «كانزاس-سيتي» ۇلتتىق فۋتبول ليگاسىندا سۋپەربوۋلدا «سان-فرانتسيسكو فورتي ناينەرس» كومانداسىن جەڭىپ، چەمپيون اتاندى. ال پاتريك ماحوۋمس سۋپەربوۋلدىڭ ۇزدىك ويىنشىسى دەپ تانىلدى.

امەريكا فۋتبولى - ا ق ش، كانادا جانە امەريكا قۇرلىعىنىڭ باسقا دا مەملەكەتتەرىندە كەڭ تاراعان رەگبيگە ۇقساس ويىن. XIX عاسىردىڭ ەكىنشى جارتىسىندا گارۆارد ۋنيۆەرسيتەتىندە پايدا بولعان.

1967-جىلدان بەرى ا ق ش- تا تۇراقتى چەمپيونات وتكىزىلىپ كەلەدى.