الەكسەي تسوي رەسەي دەنساۋلىق ساقتاۋ ۆيتسە-مينيسترىمەن كوروناۆيرۋسپەن كۇرەس جايىن تالقىلادى
بۇل جونىندە دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
«COVID-19 سالدارىنان قالىپتاسقان جاعداي ينفەكتسيامەن كۇرەستە حالىقارالىق ىنتىماقتاستىقتىڭ، ءوزارا ءىس-قيمىل مەن قولداۋدىڭ ماڭىزدى ەكەنىن كورسەتتى»، - دەدى كەزدەسۋدە الەكسەي تسوي.
تاراپتار كلينيكالىق حاتتاما، عىلىمي زەرتتەۋلەر ازىرلەۋ، ۆاكتسينا مەن ونىڭ كلينيكالىق سىناعىن قاراستىرۋ، گۋمانيتارلىق كومەك جانە ءدارى-دارمەك بويىنشا بىرلەسكەن ازىرلەمەلەردى جەتكىزۋ بويىنشا ءوزارا ىنتىماقتاستىقتى تالقىلادى.
قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى ۋاعدالاستىققا سايكەس ر ف دەنساۋلىق ساقتاۋ مينيسترلىگىنە گۋمانيتارلىق كومەك رەتىندە ولاردىڭ قاجەتتىلىگىنە قاراي دارىلىك زاتتار مەن مەديتسينالىق بۇيىمداردىڭ تىزبەسى رەسمي تۇردە جىبەرىلدى.
ەستەرىڭىزگە سالا كەتەيىك، 6- شىلدەدە ماسكەۋ قالاسىنان نۇر-سۇلتانعا جاڭا ينفەكتسيامەن كۇرەس جۇمىستارىنا تارتىلعان 32 جەتەكشى مامان كەلگەن بولاتىن.
دەلەگاتسيا قۇرامىندا ينفەكتسيونيست، رەانيماتولوگ، انەستەزيولوگ-رەانيماتولوگ، ەپيدەميولوگ، پۋلمونولوگ بار.
ماماندار نۇر-سۇلتانداعى مەديتسينالىق ۇيىمدارعا جانە ەلىمىزدەگى اسا مۇقتاج ايماقتارعا كونسۋلتاتسيالىق-پراكتيكالىق كومەك كورسەتەدى.