+7 (701) 759 90 19
29 °С : نۇر-سۇلتان
35 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

وتكەن قاتەلىكتەردى قايتالاماۋىمىز كەرەك - التاي كولگىنوۆ كارانتين تۋرالى

7 شىلدە 20:51
:ءبولىسۋ
وتكەن قاتەلىكتەردى قايتالاماۋىمىز كەرەك - التاي كولگىنوۆ كارانتين تۋرالى

نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ «كارانتين ۇزارتىلۋى مۇمكىن بە؟» دەگەن سۇراققا جاۋاپ بەردى، دەپ حابارلايدى قازاقپارات ءتىلشىسى.

«كارانتيننىڭ ۇزارتىلۋى نەمەسە اياقتالۋى ءارقايسىسىمىزعا تىكەلەي بايلانىستى. بۇعان دەيىن دە ت ج جاريالاپ، كارانتين ەنگىزىپ، قاتاڭ شارالاردى ساقتادىق. بۇل بەلگىلى ءبىر دەڭگەيدە كومەكتەستى. الايدا 11-مامىردان كەيىن كارانتين شارالارى جەڭىلدەگەندە تۇرعىندار قاۋىپسىزدىك شارالارىن ۇمىتتى. ناۋقاستار سانى ارتتى. ەندى بۇل قاتەلىكتى قايتالاماۋىمىز كەرەك. وزدەرىڭىز بايقاعانداي، كارانتيندىك رەجيم دۇرىس ءتاسىل بولدى، دارىگەرلەر مەن مەملەكەتتىك بيۋدجەتكە جۇكتەمە تۇسكەن جوق. ت ج كەزىندە تۇرعىندار رەجيمدى ساقتاپ، ۇيدە جۇمىسسىز وتىردى. ەندى ءبىز ەكى اپتالىق كارانتين ەنگىزۋگە ءماجبۇرمىز»، - دەدى اكىم ورتالىق كوممۋنيكاتسيالار قىزمەتىندە وتكەن بريفينگتە.

سونىمەن بىرگە، اكىم ءدامحانا- مەيرامحانالاردىڭ جازعى بولىگىندە جۇمىس ىستەۋگە رۇقسات بەرىلگەنىن، ۇلكەن قالادا سۇرانىستىڭ كوپ ەكەنىن ەسكە سالدى.

«ەكى اپتا وتەدى دە كەتەدى. ارينە، كەي ازاماتتارعا كۇتۋگە تۋرا كەلەدى. ەگەر ساعات سايىن شارالاردى ۇستانباساق، ارينە، كارانتيندى ۇزارتۋ كەرەك بولادى. ءبىراق، ءبىز ونى قالامايمىز. كارانتين ۇزارتىلماۋى ءۇشىن وتكەن قاتەلىكتەردى ەسكەرىپ، ولاردى قايتالاماۋىمىز كەرەك. وسىعان بارلىعىن شاقىرامىز»، - دەدى التاي كولگىنوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات