18:46, 07 - شىلدە 2020 | GMT +6
ك ۆ ي ىندەتىنە قارسى كۇرەس: قازاقستاندا قوسىمشا ءدارى-دارمەك قورى قۇرىلدى
نۇر-سۇلتان. قازاقپارات - قازاقستان كوروناۆيرۋس جۇقتىرعان ادامداردىڭ كوبەيۋىنە بايلانىستى «سك-فارماتسيا» ا ق قوسىمشا ءدارى-دارمەك قورىن قۇردى، دەپ حابارلايدى قازاقپارات ءتىلشىسى.
«قازاقستان كوروناۆيرۋس جۇقتىرعان ناۋقاستاردىڭ كوبەيۋىنە بايلانىستى ءبىز ءوز تاراپىمىزدان قوسىمشا قور دايارلاپ جاتىرمىز. ەڭ بىرىنشىدەن ول قورداعى ءدارى- دارمەكتى وتاندىق وندىرۋشىلەر وندىرەدى. ياعني ەڭ ءبىرىنشى كەزەكتە بۇل قور وتاندىق وندىرۋشىلەردىڭ ونىمىمەن قالىپتاسادى. قازىر 2,7 ميلليارد تەڭگەنىڭ ءدارى- دارمەگى ءبىرىڭعاي ديستريبيۋتوردىڭ ەلىمىزدەگى قويماسىنا جەتكىزىلدى. كەلگەن ۇسىنىستاردىڭ ءبارى بويىنشا جۇمىس جۇرگىزۋگە تىرىسامىز»، - دەدى «سك-فارماتسيا» ا ق باسقارما ءتوراعاسى بەرىك ءشارىپ و ك ق-دا وتكەن باسپا ءسوز ءماسليحاتىندا.
ەسكە سالا كەتسەك بۇعان دەيىن بەرىك ءشارىپ مەديتسينالىق مەكەمەلەرگە ءدارى-دارمەك قالاي جەتكىزىلىپ جاتقانىن ايتىپ بەرگەن بولاتىن.