كارانتين جەرورتا تەڭىزىندەگى تىرشىلىك يەلەرىنە وڭ اسەر ەتتى
مامانداردىڭ ايتۋىنشا، كورونوۆيرۋس پاندەمياسى باستالىسىمەن تەڭىز جاعالاۋىندا كەمە قاتىناسى توقتاپ، ادامدار قالماعان. زەرتتەۋ بارىسىندا عالىمدار سۋدان سىناما الىپ، روبوتتاردىڭ كومەگىمەن سۋ استىندا ءتۇسىرىلىم وتكىزىپ، تەڭىزدە مەكەندەيتىن جانۋارلار مەن بالىقتاردىڭ ساناعىن جۇرگىزگەن. بۇل جۇمىستاردىڭ تولىق ناتيجەسى وسى ايدىڭ سوڭىندا جاريالانادى.
كوسيمو نيكاسترو، يتاليا جاعاجاي كۇزەتىنىڭ وكىلى:
- يمپەريا قالاسىنىڭ ماڭىنا دەلفيندەردىڭ كوپتەپ كەلگەنىن بايقادىق. ال پانتەللەريا مەن لامپەدۋزا ارالدارىنىڭ ورتاسىنا تەڭىز تاسباقالارى كەلگەن. ەلبا ارالىنىڭ ماڭىندا كيتتەر كەزدەستى. بۇعان قاراعاندا تەڭىز جانۋارلارى ادامدار جۇرمەيتىن جەرگە ورالا باستاعان كورىنەدى. تەڭىزدە زياندى زاتتاردىڭ ءبولىنۋى توقتاعانىمەن سۋ استىنداعى پلاستيك قالدىقتار ەكوجۇيەگە ءالى دە ۇلكەن قاۋىپ توندىرۋدە. وعان قوسا ماماندار كرۋيزدىك لاينەرلەر جانە كەمەلەردىڭ كەلىسىمەن ايماق مەديتسينالىق ماسكا مەن قولعاپتارعا دا تولۋى مۇمكىن دەپ دابىل قاعۋدا.
www.24.kz