+7 (701) 759 90 19
26 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

تۋىستارى اكەلگەن تاماق پەن ءدارى ناۋقاسقا جەتپەي قالادى - ادالدىق الاڭى

7 شىلدە 15:01
:ءبولىسۋ
تۋىستارى اكەلگەن تاماق پەن ءدارى ناۋقاسقا جەتپەي قالادى - ادالدىق الاڭى

نۇر- سۇلتان. قازاقپارات - تۋىسقانى تاۋىپ بەرگەن ءدارى- دارمەك اۋرۋحانادا جاتقان ناۋقاستىڭ قولىنا جەتپەي جاتىر.

بۇل تۋرالى تىكەلەي ەفير بارىسىندا «ادالدىق الاڭى» رەسپۋبليكالىق جوبالىق كەڭسەنىڭ جەتەكشىسى تولەگەن بايعۇلوۆ ايتتى، دەپ حابارلايدى قازاقپارات ءتىلشىسى.

«بلوگەرلەردى، جۋرناليستەردى ءدارى- دارمەككە قاتىستى زاڭسىزدىقتاردى انىقتاۋعا كومەكتەسۋگە شاقىرامىز. ۇيدەن شىقپاي- اق Facebook, Instagram جەلىلەرىندەگى ءدارى- دارمەككە قاتىستى اقپاراتتاردى باقىلاپ، ول اقپاراتتىڭ راس- وتىرىگى، قانشالىقتى زاڭدى ەكەنىن انىقتاۋ ءۇشىن ءبىزدىڭ 87020002494 WhatsApp نومىرىمىزگە جىبەرۋگە بولادى. ءتارتىپ ورناتۋ كەرەك بولسا، وزىمىزدەن باستاۋىمىز كەرەك. ءدارىحانادان ءدارى العان كەزدە چەك سۇراۋ قاجەت. چەك بەرمەگەن جاعدايدا ۆيدەوعا ءتۇسىرىپ الىڭىز دا، بىزگە جىبەرىڭىز. ءدارىحانا قاي وبلىس، قاي اۋدان، قاي جەردە ورنالاسقانى تۋرالى اقپاراتتى قوسا جىبەرىڭىز. ءبىز ءار فاكتى بويىنشا جەكە- جەكە جۇمىس ىستەيمىز»، - دەيدى ت. بايعۇلوۆ.

ونىڭ ايتۋىنشا، قازىر اۋرۋحانالاردا ءدارى- دارمەك تابۋ بويىنشا قيىندىقتار بولىپ جاتىر.

«تۋىسقانى تاۋىپ بەرگەن ءدارى- دارمەك اۋرۋحانادا جاتقان ناۋقاستىڭ قولىنا جەتپەي جاتىر. مىسالى، ءدارىنى، تاماقتى كۇزەتشى نەمەسە سول اۋرۋحانادا جۇمىس ىستەيتىن ادام ارقىلى ناۋقاسقا بەرىپ جىبەرگەنمەن، ناۋقاستىڭ قولىنا تيمەي قالۋدا. كەشە بىزگە حابارلاسىپ، وسىنداي اقپارات ايتتى. ەندى ءدارى مەن تاماقتى ناۋقاسقا جەتكىزۋ ءتارتىبىن رەتتەيمىز»، - دەيدى ول.

ەسكە سالايىق، ق ر پرەزيدەنتى ءدارى- دارمەك باعاسىن نەگىزسىز قىمباتتاتۋ فاكتىلەرىن انىقتاۋدى تاپسىرعان بولاتىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات