الەۋمەتتىك جەلىدە تاراعان ۆيدەودان كەيىن الماتىدا ەكى تۇنگى كلۋب جابىلدى

None
None
الماتى. قازاقپارات - الماتىدا تۇنگى كلۋبتاردان كارانتين رەجيمىن بۇزۋ فاكتىلەرى انىقتالدى.

كوڭىل كوتەرەتىن ورىنعا جينالعان كوپشىلىكتىڭ ۆيدەوسى مەن فوتولارى الەۋمەتتىك جەلىدە تارادى، دەپ حابارلايدى قازاقپارات.

مەدەۋ اۋدانىنىڭ اكىمدىگى قالادا كارانتين رەجيمى كۇشەيتىلگەنىن ەسكە سالادى.

«اۋداننىڭ ءموبيلدى توبى سانيتارلىق نورمالاردى بۇزۋ فاكتىلەرىن انىقتاۋ ءۇشىن ۇدايى رەيد ۇيىمداستىرىپ وتىر. بۇل رەيد بارىسىندا الماتى قالاسى باس مەملەكەتتىك سانيتار دارىگەرىنىڭ قاۋلىسىندا كورسەتىلگەن تالاپتاردى بۇزعان ءبىرقاتار نىساندار اشكەرە بولدى» دەپ ءمالىم ەتتى اۋدان اكىمدىگىنەن.

4- شىلدە كۇنى مەدەۋ اۋدانىندا ورنالاسقان «Bla bla bar» جانە «echo» سەكىلدى ۇيىمداردان وسىنداي فاكتىلەر انىقتالعان.

«بۇل نىساندار سانيتارلىق نورمالاردى ساقتاماي، كەلۋشى قوناقتارعا قاۋىپ توندىرگەن. مۇندا كەلىپ، كوڭىل كوتەرۋشى حالىقتا ەسەپ جوق. وسىعان بايلانىستى اۋدان اكىمدىگى ماماندارى، تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ قىزمەتكەرلەرىنەن جانە جەرگىلىكتى پوليتسەيلەردەن قۇرالعان ءموبيلدى توپ اتالعان مەكەمەلەردى تەكسەرىپ شىقتى. سونداي-اق نىسان باسقارۋشىسىمەن اڭگىمە جۇرگىزىپ، كارانتين كەزىندە ساقتالۋى ءتيىس سانيتارلىق نورمالاردى ءتۇسىندىردى» دەپ ءمالىم ەتتى اكىمدىك.

رەيد ناتيجەسى بويىنشا بۇل تۇنگى كلۋبتار 5-19- شىلدە ارالىعىنداعى شەكتەۋ شارالارى اياقتالعانشا جۇمىسىن توقتاتتى.

«وسىعان بايلانىستى اۋدانداعى بۇكىل كاسىپكەرلەر مەن تۇرعىنداردى ءوزىڭىزدىڭ جانە اينالاڭىزداعى جانداردىڭ قاۋىپسىزدىگى ءۇشىن سانيتارلىق نورمالاردى ساقتاۋعا شاقىرامىز» دەپ تولىقتىردى ۆەدومستۆودان.

سوڭعى جاڭالىقتار