+7 (701) 759 90 19
23 °С : نۇر-سۇلتان
26 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

رەسەي دارىگەرلەرى قازاقستان وڭىرلەرىندە كوروناۆيرۋسپەن كۇرەسەدى

6 شىلدە 21:37
:ءبولىسۋ
رەسەي دارىگەرلەرى قازاقستان وڭىرلەرىندە كوروناۆيرۋسپەن كۇرەسەدى

نۇر- سۇلتان. قازاقپارات - بۇگىن نۇر- سۇلتان قالاسىنا ارنايى رەيسپەن كەلگەن رەسەيلىك دارىگەرلەر قازاقستاندىق ارىپتەستەرىنە كوروناۆيرۋس ىندەتىمەن كۇرەسكە كومەك كورسەتەتىن بولادى، دەپ حابارلايدى قازاقپارات ءتىلشىسى.

«كوروناۆيرۋس ىندەتىنە قارسى ءىس- قيمىل بىرلەسكەن ءىس- شارالار جانە ق ر پرەمەر- ءمينيسترى اسقار ءماميننىڭ ر ف ۇكىمەتىنىڭ ءتوراعاسى ميحايل ميشۋستينمەن كەلىسىمدەرى شەڭبەرىندە رەسەي ت ج م ارنايى رەيسىمەن 6 - شىلدەدە نۇر- سۇلتان قالاسىنا رەسەيدىڭ دەنساۋلىق ساقتاۋ مينيسترلىگىنىڭ جانە روسپوترەبنادزوردىڭ ءبىر توپ دارىگەرى كەلدى. 32 ادامنان تۇراتىن توپقا ەپيدەميولوگ، ۆيرۋسولوگ جانە باسقا دا بەيىندى باعىتتارداعى دارىگەرلەر كىردى»، دەلىنگەن حابارلامادا.

رەسەيلىك ماماندار قازاقستاندىق دارىگەرلەرگە كوروناۆيرۋس پاندەمياسىمەن كۇرەسۋدە كونسۋلتاتسيالىق جانە پراكتيكالىق كومەك كورسەتەتىن بولادى.

«بۇگىن مەنىڭ ارىپتەسىم - رەسەي دەنساۋلىق ساقتاۋ ۆيتسە- ءمينيسترى ولەگ گريدنيەۆ باستاعان 32 ادامنان تۇراتىن دارىگەرلەر توبى كەلىپ وتىر. بۇل ساپار ەكى ەل باسشىلارى دەڭگەيىندە قول جەتكىزىلىگەن ۋاعدالاستىق ارقاسىندا ورىن الۋدا. ساپار ماقساتى - كوروناۆيرۋس ىندەتىمەن كۇرەستە تاجىريبە الماسۋ. قازاقستان مەن رەسەي دارىگەرلەرى ارااسىندا تىعىز بايلانىستىڭ ەرتەدەن قالىپتاسىپ ۇلگەرگەندىگى قۇپيا ەمەس. ءبىز ونى الداعى ۋاقىتتا دامىتا تۇسپەكپىز»، - دەدى ەلوردا اۋەجايىندا رەسەيدەن كەلگەن ارىپتەستەرىن قارسى العان ق ر دەنساۋلىق ساقتاۋ ءبىرىنشى ۆيتسە- ءمينيسترى مارات شورانوۆ.

ونىڭ اتاپ وتۋىنشە، رەسەيدەن كەلگەن دارىگەرلەر نۇر- سۇلتان قالاسىنىڭ، سونىمەن قاتار ەلىمىزدەگى ەپيدەميولوگيالىق احۋالعا بايلانىستى باتىس نە بولماسا وڭتۇستىك ءوڭىرىمىزدىڭ مەديتسينا قىزمەتكەرلەرىنە كومەك كورسەتەتىن بولادى. دەگەنمەن، قازىرگى ۋاقىتتا رەسەيلىك دارىگەرلەردىڭ قاي وڭىرلەرگە باراتىندىعىنا قاتىستى ناقتى شەشىم قابىلدانعان جوق. سونىمەن قاتار رەسەيلىك دارىلەرلەردىڭ ەلىمىزدە قانشا ۋاقىت كومەك كورسەتەتىندىگىن ناقتى ايقىندالعان ەمەس. قاجەتتىلىك تۋىنداعان جاعدايدا ولاردىڭ ەلىمىزدەگى ساپارى ۇزارتىلۋى دا مۇمكىن.

«ارىپتەستەرىمىزبەن بەلگىلى ءبىر وڭىردەگى احۋال تۇراقتانعانعا دەيىن رەسەيلىكتەردىڭ بىزدەن بىرگە بولاتىندىعى تۋرالى ۋاعدالاستىققا قول جەتكىزىلگەن ەدىك. ءبىز ونلاين رەجيمىندە ينفەكتسيونيست، ەپيدەميولوگ دارىگەرلەرىمىزبەن دە ءبىرقاتار سەمينار وتكىزۋدى جوسپارلاپ وتىرمىز. بۇل قازاقستاندىق جانە رەسەيلىك دارىگەرلەردىڭ بىرلەسە ازىرلەگەن ازىرلەمەلەرىنىڭ بۇكىل ەل اۋماعىندا قولدانىلۋىنا قول جەتىمدى بولۋى ءۇشىن جاسالادى»، - دەدى مارات شورانوۆ.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات