+7 (701) 759 90 19
23 °С : نۇر-سۇلتان
26 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

نۇرسۇلتان نازاربايەۆ كوروناۆيرۋستى قالاي جەڭگەنىن ايتتى

6 شىلدە 17:24
:ءبولىسۋ
نۇرسۇلتان نازاربايەۆ كوروناۆيرۋستى قالاي جەڭگەنىن ايتتى

نۇر- سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ كوروناۆيرۋستان اۋىرىپ جاتقان قازاقستاندىقتاردىڭ بارلىعىنا امان- ەسەن جازىلىپ شىعۋىنا تىلەكشى ەكەندىگىن ءبىلدىردى، دەپ حابارلايدى قازاقپارات ءتىلشىسى.

«قادىرمەندى حالايىق! ءبارىمىز دە قيىن كەزەڭدى باستان كەشىرىپ جاتىرمىز. بۇكىل دۇنيەمەن بىرگە كورىپ جاتقان نارسە بۇل. مەن ول قيىنشىلىقتاردى ءوز باسىمنان وتكىزدىم. وسى كەزدە جاناشىرلىق بىلدىرگەن بارلىق جەرلەستەرىمە، وتانداستارىما شىن كوڭىلىممەن تاعى ءبىر ريزاشىلىعىمدى ايتقىم كەلەدى. سىزدەردىڭ قازاقستاننىڭ ءار سالاسىنان، ءار تۇكپىرىنەن، ءارى ونەركاسىپتەن، مادەنيەتتەن، سپورتتان، دەنساۋلىق ساقتاۋ جۇيەسىنەن ماعان ايتىپ جاتقان تىلەكتەرىڭىزدىڭ ارقاسىندا كۇش- قۋات الىپ، ەمدەلىپ شىقتىم. كوپ راحمەت. قازىر دە سىرقاتتانىپ جاتقان، قينالىپ جاتقان جاندار بار. سولاردىڭ بارشاسى امان- ەسەن شىعادى دەپ سەنەمىن. سەبەبى وعان سەنۋ كەرەك. كونبەۋ كەرەك، جەڭۋ كەرەك. ءبىز ودان كۇشتىمىز دەپ ساناساڭىزدار بارلىعىن جەڭەمىز. ءبىز كوپ نارسەنى جەڭىپ كەلە جاتقان باتىر بابالاردىڭ ۇرپاعىمىز. قۇداي بۇيىرتسا، بۇدان دا وتەمىز»، - دەدى ق ر تۇڭعىش پرەزيدەنتى.

سونىمەن قاتار ەلباسى بۇگىنگى تۋعان كۇنىنە وراي بۇكىل دۇنيەجۇزىنەن، قازاقستاننىڭ تۇكپىر- تۇكپىرىنەن قۇتتىقتاۋلار مەن ىزگى تىلەكتەر الىپ، وقىپ جاتقانىن اتاپ ءوتتى. قۇتتىقتاۋ جولداعان بارلىق شەت مەملەكەتتەردىڭ باسشىلارىنا، قايراتكەرلەرى مەن ساياساتكەرلەرىنە جانە قازاقستاندىقتارعا راحمەتىن ايتقان تۇڭعىش پرەزيدەنتى بارشاعا شىن كوڭىلىنەن ۇلكەن تابىس، باقىت تىلەيتىندىگىن جەتكىزدى.

«ەلىمىز امان، جۇرتىمىز تىنىش بولسىن! بۇل ناۋبەتتەن دە وتەمىز. ەرتەڭگى كۇنى ءجۇزىمىز جارقىن بولىپ، تالاي كەزدەسەتىن بولامىز»، - دەدى نۇرسۇلتان نازاربايەۆ.

ايتا كەتەيىك، ەلباسىنىڭ كوروناۆيرۋستان اۋىرىپ جاتقان قازاقستاندىقتاردىڭ بارلىعىنا امان- ەسەن جازىلىپ شىعۋىنا تىلەكشى ەكەندىگىن بىلدىرگەن ۆيدەونى ق ر تۇڭعىش پرەزيدەنتىنىڭ باسپا ءسوز حاتشىسى ايدوس ۇكىباي Twitter پاراقشاسىندا جاريالاعان ەدى.

اۆتور: مارلان جيەمباي



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات