+7 (701) 759 90 19
26 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ءيىس سەزۋدەن قالىپ، السىزدىك پەن تىنىس الۋ اۋىرلاعاندا ۇرەيگە بوي الدىرماۋ كەرەك - دارىگەر كەڭەسى

6 شىلدە 16:52
:ءبولىسۋ
ءيىس سەزۋدەن قالىپ، السىزدىك پەن تىنىس الۋ اۋىرلاعاندا ۇرەيگە بوي الدىرماۋ كەرەك - دارىگەر كەڭەسى

نۇر- سۇلتان. قازاقپارات - ءيىس سەزۋدەن قالىپ، السىزدىك پەن تىنىس الۋ اۋىرلاعاندا ۇرەيگە بوي الدىرماۋ كەرەك. بۇل تۋرالى استانا مەديتسينا ۋنيۆەرسيتەتىنىڭ كافەدرا مەڭەرۋشىسى، مەديتسينا عىلىمدارىنىڭ كانديداتى نۇريلا مالتاباروۆا ايتتى، دەپ حابارلايدى قازاقپارات ءتىلشىسى.

«ءتۇرلى سەبەپتەر ءيىس سەزۋدەن قالۋعا سەبەپ بولۋى مۇمكىن. ءتىپتى ادام پسيحو- ەموتسينالدى كۇيگە تۇسكەن كەزدە، اشۋلانعاندا ءيىس سەزبەي قالۋى مۇمكىن. سوندىقتان ءيىس نە ءدام سەزۋدەن قالعان كەزدە ۇرەيگە بوي الدىرماڭىزدار. پ ت ر- تەستى قاي جەردەن تاپسىرۋ قاجەتتىگىن ىزدەپ جۇگىرۋدىڭ، كومپيۋتەرلىك توموگرافيادان نەمەسە رەنتگەننەن ءوتۋدىڭ قاجەتى جوق. سيمپتومدارى دامۋى ءۇشىن باقىلاۋ، كۇتۋ قاجەت. ءيىس سەزۋدى جوعالتۋ سيمپتومى عانا مۇنىڭ كوروناۆيرۋس ەكەندىگىن بىلدىرمەيدى»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

سونىمەن قاتار نۇريلا مالتاباروۆا تىنىس الۋ اۋىرلاپ، جوتەل پايدا بولعان كەزدە نە ىستەۋ كەرەكتىگىن ايتىپ بەردى.

«كوروناۆيرۋس سيمپتومدارىنىڭ ءبىرى - بۇل جوتەل مەن تىنىس الۋدىڭ اۋىرلاۋى. ەگەر جوتەل بار، ال تىنىس الۋ اۋىرلاماسا وندا بۇل سىزدە كوروناۆيرۋس ينفەكسياسى جوق دەگەندى بىلدىرمەيدى. ويتكەنى، تىنىس الۋدىڭ اۋىرلاۋى - بۇل اۋرۋ اعىمىنىڭ ناشارلاپ، تەرەڭدەي تۇسكەنىن بىلدىرەدى. سوندىقتان جوتەل بولعان كەزدە بەلگىلى ءبىر دەڭگەيدە ساقتىق بولۋى ءتيىس. ۋچاسكەلىك دارىگەرگە مىندەتتى تۇردە قارالىپ، سيمپتومدارى پايدا بولعانىن ايتۋ كەرەك. وزدىگىنەن ەمدەلۋگە، تىنىس الۋ اۋىرلاماسا كوروناۆيرۋس ينفەكسياسى جوق دەپ ويلاۋعا بولمايدى»، - دەدى مەديتسينا عىلىمدارىنىڭ كانديداتى.

بىلىكتى مامان السىزدىك سەزىمىنىڭ پايدا بولۋى كوپتەگەن اۋرۋلارعا ءتان ەكەندىگىن ايتادى.

«السىزدىك سەزىمىنىڭ پايدا بولۋى تەك كوروناۆيرۋسقا عانا ەمەس، باسقا دا كوپتەگەن اۋرۋعا ءتان. ءتىپتى، ادام پسيحو- ەموتسينالدى كۇيزەلىسكە تۇسكەن كەزدە دە السىزدىك، سوزىلمالى شارشاۋ سيندرومى بايقالادى. سوندىقتان السىزدىك - بۇل كوروناۆيرۋس دەيدى. بۇكىل الەم ىندەتپەن كۇرەسىپ جاتىر. ارينە، ءبىز كوروناۆيرۋس ىندەتىنە باسىمدىق بەرەمىز. ەگەر السىزدىك بولسا، وندا وعان ءمان بەرىپ، دارىگەرگە قارالۋ قاجەت. السىزدىكپەن قاتار باسقا دا سيمپتومدار بولۋى مۇمكىن. ءبىراق، السىزدىك - بۇل كوروناۆيرۋس بەلگىسى دەۋگە جانە ۇرەيگە بوي الدىرۋعا بولمايدى. جاناما سيمپتومدارسىز السىزدىك پايدا بولمايدى»، - دەدى ول.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات