+7 (701) 759 90 19
26 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

كوروناۆيرۋس: انتيباكتەريالدى تەراپيا قانداي جاعدايدا قولدانىلادى

6 شىلدە 17:05
:ءبولىسۋ
كوروناۆيرۋس: انتيباكتەريالدى تەراپيا قانداي جاعدايدا قولدانىلادى

نۇر- سۇلتان. قازاقپارات - دەكسامەتازون پرەپاراتى ستاتسيوناردا جاعدايى وتە اۋىر پاتسيەنتتەرگە عانا تاعايىندالادى. بۇل تۋرالى استانا مەديتسينا ۋنيۆەرسيتەتى بالالار ينفەكتسيالىق اۋرۋلارى كافەدراسىنىڭ مەڭگەرۋشىسى، PhD دوكتورى، ينفەكتسيونيست- دارىگەر بايان تۇردالينا ايتتى، دەپ حابارلايدى قازاقپارات ءتىلشىسى.

«الەۋمەتتىك جەلىدە كوپتەگەن اقپارات تارالىپ وتىر. سوعان وراي ايتا كەتەرلىگى، قازاقستاندا كلينيكالىق حاتتاما دۇنيەجۇزىندە پاندەميا ورىن العانعا دەيىن اقپان ايىندا ەڭ ءبىرىنشى نۇسقاسى دايىن بولعان ەدى. سول ۋاقىتتان بەرى 4-5 ايدىڭ ىشىندە ەلىمىزدىڭ جەتەكشى عالىمدارى وسى كلينيكالىق حاتتامانى جاقسارتۋ، جاڭارتۋ باعىتىندا كوپ ەڭبەك ەتتى»، - دەدى ول.

وسى رەتتە ينفەكسيونيست- دارىگەر كلينيكالىق حاتتامانىڭ قۇرامىنداعى انتيباكتەريالدى تەراپيا بولىمىنە توقتالدى.

«كوروناۆيرۋس ينفەكسياسى ۆيرۋستى ينفەكسيا بولعاننان كەيىن تىكەلەي كورسەتكىشتەرى جوق. ارينە جەكەلەگەن جاعدايدا انتيباكتەريالدى تەراپيانى قوسالقى باكتەريالدى ينفەكسيا قوسىلعاندا عانا قولدانعان دۇرىس. ونى دا تەك دارىگەر ناقتى ايتىپ بەرە الادى. ونىڭ بارلىعى ءبىزدىڭ كلينيكالىق حاتتامادا ەسكەرتپە رەتىندە كورسەتىلگەن»، - دەدى مامان.

ونىڭ اتاپ وتۋىنشە، وكپە قابىنۋىنا قارسى اسەر ەتەتىن دەكسامەتازون پرەپاراتى ستاتسيوناردا جاعدايى وتە اۋىر پاتسيەنتتەرگە تاعايىندالادى. ول دا كلينيكالىق حاتتامانىڭ بولىمدەرىندە كورسەتىلگەن.

«حالىق اراسىندا اتالعان پرەپاراتتاردى قوسىمشا قور رەتىندە ساتىپ الۋ جاعدايلارىنىڭ كوپ بولۋىنا، الەۋمەتتىك جەلىدە دۇرىس اقپاراتتىڭ تارالماۋىنا بايلانىستى كوپ قيىندىق تۋىندادى. سوندىقتان رەسمي دەرەكتەرگە عانا سەنۋگە شاقىرامىز»، - دەدى بايان تۇردالينا.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات