+7 (701) 759 90 19
26 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

كوروناۆيرۋس كەزىندە وكپە قالاي زاقىمدانادى -  دارىگەر ءتۇسىندىردى

6 شىلدە 16:37
:ءبولىسۋ
كوروناۆيرۋس كەزىندە وكپە قالاي زاقىمدانادى -  دارىگەر ءتۇسىندىردى

نۇر- سۇلتان. قازاقپارات - كوروناۆيرۋس كەزىندە وكپە قالاي زاقىمدانادى؟ بۇل ساۋالعا استانا مەديتسينا ۋنيۆەرسيتەتىنىڭ كافەدرا مەڭگەرۋشىسى، مەديتسينا عىلىمدارىنىڭ كانديداتى نۇريلا مالتاباروۆا جاۋاپ بەردى، دەپ حابارلايدى قازاقپارات ءتىلشىسى.

«بۇگىندە الەۋمەتتىك جەلىدە كلينيكالىق حاتتاماعا، كوروناۆيرۋستان ءولىم- جىتىمگە قاتىستى اقپارات وتە كوپ. سوندىقتان كوروناۆيرۋس ينفەكسياسىنىڭ اعىمىنىڭ ەرەكشەلىكتەرى جانە نەلىكتەن ءولىم- ءجىتىم ورىن الاتىندىعىن تۇسىندىرگىم كەلەدى. قازىرگى ۋاقىتتا وكپەنىڭ ءىسىنۋى - بۇل تەك كوروناۆيرۋس ينفەكسياسى كەزىندە عانا ەمەس، سونىمەن بىرگە اۋىر قاتەرلى جاعدايدا دا قاۋىپتى اسقىنۋ. وكپە ءتىنى ءىسىنىپ، ۆيرۋس ارالىق كەڭىستىكتى زاقىمداي باستايدى. ول جەردە سۇيىقتىق جينالادى. وكىنىشكە وراي اۋرۋدىڭ اۋىر ساتىسىندا وكپە مەن تامىرلار اراسىنداعى وسىناۋ كەڭىستىككە وتە كوپ سۋ جينالىپ، وكپە ىسىنەدى. ءدال وسى جايت ءولىم- جىتىمگە الىپ كەلۋى مۇمكىن. دامۋ جولدارى وتە كوپ. ءبىراق، ەڭ باستىسى، ۆيرۋس وكپە ءتىنىن جىلدام زاقىمدايتىندىعىن ايتۋىمىز كەرەك»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ اتاپ وتۋىنشە، ارتەريالدى گيپەرتەنزيا، جۇرەك- قان تامىر جۇيەسى اۋرۋلارى، قانت ديابەتى، سەمىزدىك سىندى سىرقاتتار كەزىندە دە وكپە قابىنۋى مۇمكىن.

«جۇرەك- قان تامىرلارى جۇمىسىنىڭ جەتكىلىكسىزدىگى سالدارىنان اعزادا سۇيىقتىق كوبەيىپ، وكپەدەگى ىسىك ۇلعايادى. ءبىز ءولىم- ءجىتىم سەبەبىنىڭ ءبىرى وكپە قابىنۋى بولۋى مۇمكىن دەگەنىمىزدە، بۇل ينفۋزيالىق پرەپاراتتاردان ەمەس، جۇرەك- قان تامىرى جۇيەسى جۇمىسىنىڭ جەتكىلىكسىزدىگىنەن اعزادا سۇيىقتىقتىڭ ارتقاندىعىنان دەگەندى بىلدىرەدى. مۇنداي جايت سوزىلمالى اۋرۋلار تۇرىندەگى جوعارىدا اتالعان تاۋەكەل فاكتورلارى بار پاتسيەنتتەردىڭ باسىم بولىگىندە ورىن الادى»، - دەدى نۇريلا مالتاباروۆا.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات