+7 (701) 759 90 19
6 °С : نۇر-سۇلتان
4 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

الەۋمەتتىك جەلىنى شۋلاتقان دارىگەر ۆيدەوسىنا الەكسەي سوي جاۋاپ بەردى

6 شىلدە 14:28
:ءبولىسۋ
الەۋمەتتىك جەلىنى شۋلاتقان دارىگەر ۆيدەوسىنا الەكسەي سوي جاۋاپ بەردى

نۇر- سۇلتان. قازاقپارات – ق ر دەنساۋلىق ساقتاۋ ءمينيسترى الەكسەي سوي الەۋمەتتىك جەلىدە كەڭىنەن تاراعان شىمكەنت قالاسىنداعى جەكەمەنشىك كلينيكانىڭ دارىگەرى اينا باكەيەۆانىڭ كوروناۆيرۋستى ەمدەۋ حاتتاماسىن قايتا قاراستىرۋ قاجەتتىگى تۋرالى ۆيدەوسىنا پىكىر ءبىلدىردى، دەپ حابارلايدى قازاقپارات ءتىلشىسى.

«بۇل ۆيدەو كەڭىنەن تارالىپ جاتىر. جەكە كلينيكانىڭ دارىگەرى - تەراپيەۆت- رەابيليتولوگ ەمدەۋ جانە اسقىنۋ جاعدايلارىنا بولجام جاساي كەلە ازاماتتارىمىزدى ەم الۋدان باس تارتۋعا شاقىرادى. بۇل ۆيدەوعا قازىردىڭ وزىندە دەنساۋلىق ساقتاۋ جۇيەسى ماماندارى ءارقيلى پىكىر ايتىپ، قازاقستاننىڭ ءتۇرلى وڭىرلەرىنىڭ دارىگەرلەرى ءوز ويلارىن ورتاعا سالدى. قازىرگى ۋاقىتتا قازاقستاندا قولدانىلىپ جاتقان بارلىق كلينيكالىق حاتتامالاردىڭ ەڭ الدىمەن حالىقارالىق دەڭگەيدە مويىندالعانىن، ناقتىلانعان ادىستەمەلەردىڭ قولدانىستا ەكەندىگىن ءتۇسىنۋ وتە ماڭىزدى»، - دەدى مينيستر ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ اتاپ وتۋىنشە، پاتسيەنتتەرمەن تىكەلەي جۇمىس ىستەيتىن دارىگەرلەر پرەپاراتتى قالاي جانە قانداي مولشەردە قولدانۋ كەرەكتىگىن، كىمدە اسقىنۋ بار ەكەنىن، كىمگە پرەپاراتتى قولدانۋعا بولمايتىنىن جاقسى بىلەدى.

«ارىپتەستەرىمىز اتالعان دارىگەرمەن بايلانىسىپ، سويلەسىپ، دايەكتەرى مەن دالەلدەرىن تىڭداۋعا، ونى عىلىمي قاۋىمداستىقتا تالقىلاۋعا تىرىسقان ەدى. وكىنىشكە قاراي، وعان قوڭىراۋ شالا المادىق. ارىپتەستەرىمىز ۇيىنە دە باردى. ءبىراق، بايلانىسا المادىق. ءبىراق، ءبىز بۇل جايتتاردى كەز كەلگەن ۋاقىتتا تالقىلاۋعا دايىنبىز»، - دەدى الەكسەي سوي.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات