+7 (701) 759 90 19
23 °С : نۇر-سۇلتان
26 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستان كوروناۆيرۋس جۇقتىرۋ بويىنشا الەمدە كوش باستاپ تۇر ما

6 شىلدە 14:10
:ءبولىسۋ
قازاقستان كوروناۆيرۋس جۇقتىرۋ بويىنشا الەمدە كوش باستاپ تۇر ما

نۇر- سۇلتان. قازاقپارات – ق ر دەنساۋلىق ساقتاۋ ءمينيسترى الەكسەي سوي The New York Times باسىلىمىندا جاريالانعان «سوڭعى ەكى اپتادا قازاقستان كوروناۆيرۋس ينفەكسياسىنىڭ تارالۋى بويىنشا كوش باسىنا شىقتى» دەگەن دەرەككە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«ءيا، مۇنداي مونيتورينگتى ءتۇرلى ۇيىمدار جۇرگىزەدى. ءوزىم دە تانىستارىمنان قازاقستان قىزىل تاڭبامەن بەلگىلەنىپ، «ەلىمىزدە ءوسىم جوعارى» دەلىنگەن شامامەن 100 سۋرەت الدىم. مۇقيات وقىساڭىزدار، ەڭ الدىمەن اعىلشىن تىلىندە جاريالانعان بۇل اقپاراتتا سوڭعى 2 اپتاداعى ءوسىم جايىندا ايتىلعان. وزدەرىڭىز بىلەسىزدەر، ءبىز قازىرگى ۋاقىتتا سيمپتومى بار جانە سيمپتومسىز ناۋقاستاردى قوسىپ، ءبارىن بىرگە سانايتىن بولدىق. ويتكەنى، سيمپتومسىز ەكەندىگىنە قاراماستان ول پاتسيەنت ۆيرۋس تاراتۋشى سانالادى جانە ولار ايرىقشا نازار اۋدارۋدى قاجەت ەتەدى. سوندىقتان اتالعان ءادىستى وزگەرتۋدىڭ ناتيجەسىندە ۆيرۋس جۇقتىرعان پاتسيەنتتەردىڭ سانى ستاتيستيكاعا سالعاندا سيفرلىق تۇرعىدا وزگەرىسكە ۇشىرادى»، - دەدى مينيستر ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ اتاپ وتۋىنشە، قازىرگى ۋاقىتتا ەلىمىزدە ۆيرۋس جۇقتىرعاندار سانى كۇندەلىكتى 1,5 مىڭ جاعدايدى قۇراپ، تۇراقتى بولىپ تۇر. ياعني، سوڭعى ەكى اپتانىڭ ىشىندە ەلىمىزدە ىندەت جۇقتىرۋشىلار سانىنىڭ كۇرت ارتىپ كەتۋى تىركەلگەن جوق.

«بىزدە مۇنداي پاتسيەنتتەردىڭ ءبىرقالىپتى، بىرتىندەپ انىقتالۋى تىركەلىپ وتىر. ءبىز سيمپتومى بار جانە سيمپتومسىز پاتسيەنتتەردى بىرگە كورسەتكەننەن كەيىن الداعى 1-2 اپتادان كەيىن ستاتيستيكالىق دەرەكتەر تۇزەلەدى»، - دەدى دەنساۋلىق ساقتاۋ ءمينيسترى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات