+7 (701) 759 90 19
23 °С : نۇر-سۇلتان
26 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ءابىش كەكىلباي ۇلىنىڭ زايىبى كلارا جۇماباي قىزى ومىردەن ءوتتى

6 شىلدە 13:50
:ءبولىسۋ
ءابىش كەكىلباي ۇلىنىڭ زايىبى كلارا جۇماباي قىزى ومىردەن ءوتتى

نۇر- سۇلتان. قازاقپارات - جازۋشى ءابىش كەكىلباي ۇلىنىڭ ايەلى كلارا جۇماباي قىزى 5 - شىلدە كۇنى دۇنيە سالدى. قارالى حاباردى ادەبيەت پورتالى جەتكىزدى.

«ءابىش اعا مەن كلارا اپاي ءبىر كلاستا وقىعان... بۇل كىسىلەر - بالا ماحابباتى ومىرلىك سۇيىسپەنشىلىككە ۇلاسقان جاندار. كلارا اپاي اقتوبەدەگى مەديتسينا ينستيتۋتىن تاڭدايدى. ءابىش اعامىز بولسا الماتىدا. ەكى ارانى عاشىقتار حاتى جالعاپ تۇردى. سونداي ءبىر حات قاناتى تالعانشا ۇشىپ، الاتاۋدىڭ باۋرايىنا اسىعىپ، شۇعىل جەتسە كەرەك. حات يەسى وقۋىنىڭ اياقتالعانىن، كومسومولدىڭ جولداماسىمەن بالقاشقا جۇرگەلى وتىرعانىن ايتا كەلىپ «سەن ەندى نە ەتپەكسىڭ؟» دەپ تۇيىندەيدى عوي. ءابىش اعا سالىپ- ۇرىپ ۇستازى زەينوللا قابدولوۆتىڭ الدىنا بارىپ، «ماعان اقتوبەگە بارۋعا ءبىر بيلەت، قايتۋعا - ەكى بيلەت كەرەك» دەيدى. قابدولوۆ اعا- دوس ءابدىجامىل نۇرپەيىسوۆپەن جالعاسادى. ءسويتىپ اعالاردىڭ قامقورلىعىمەن شۇعىل «بالقاش وپەراتسياسىنىڭ» الدىن وراعان ءابىش اعا مەن كلارا اپاي اقتوبەدە نەكەلەسىپ، الماتىعا ەرلى- زايىپتى كەكىلبايەۆتار بولىپ ورالادى.

ءسويتىپ... ءشاي دەسپەي 51 جىل 8 اي بىرگە عۇمىر كەشىپتى. ۇل ءسۇيدى، قىز ءوسىردى، نەمەرە مەن شوبەرەنىڭ دە جۇپار يسىنە مەيىر قاندىردى. سويتكەن كلارا اپايىمىزدىڭ دا تىنىسى توقتاپتى. تىرىسىندە ابىشتەي جاقسىعا ادال سەرىك، دوس- جارعا جۇعىمدى بايبىشە، ۇل- قىزعا مەيىرىمدى انا، نەمەرە مەن شوبەرەگە ءاز اجە بولا العان كلارا جۇماباي قىزىنىڭ رۋحى پەيىشتە شالقىسىن. ارتىندا قالعان بالا- شاعاسىنا، تۋىس- تۋعاندارىنا قايعىرىپ كوڭىل ايتامىز» دەپ جازادى adebiportal.kz.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات