موڭعوليا ۇكىمەتى «شىڭعىسحان» حالىقارالىق اۋەجايىنىڭ اتاۋىن وزگەرتتى
«ۇكىمەتتىڭ 2019 -جىلدىڭ 18 - جەلتوقسانىنداعى №455 قاۋلىسىنا سايكەس، ەل استاناسىنداعى «شىڭعىسحان» حالىقارالىق اۋەجايى 1 - شىلدەدەن رەسمي تۇردە «بۋيانت- ۋحاا» اۋەجايى بولىپ اتالادى»، - دەلىنگەن اقپاراتتا.
«بۋيانت- ۋحاا» اۋەجايى حالىقارالىق جانە وڭىرلىك رەيستەر ءۇشىن رەزەرۆتى اۋەجاي رەتىندە قولدانىلادى. سونداي- اق اۆياتسيالىق دايىندىق جانە ءبىلىم بەرۋ، چارتەرلىك رەيستەر، اۆيالاينەرلەرگە قىزمەت كورسەتۋ جانە ازاماتتىق اۆياتسيانىڭ وزگە دە قىزمەتتەرى ءۇشىن پايدالانىلاتىن بولادى.
«حۋشيگ القابىندا جاڭا اۋەجاي رەسمي ىسكە قوسىلعانعا دەيىن «بۋيانت- ۋحاا» ءوز قىزمەتىن قالىپتى رەجيمدە اتقارا بەرەتىن بولادى. قازىرگى ۋاقىتتا ميات ۇلتتىق اۋە تاسىمالداۋشىسى «بۋيانت- ۋحاامەن» شەت مەملەكەتتەردەن ازاماتتاردى قايتارۋ بويىنشا چارتەرلىك رەيستەر اتقارۋدا. ال حۋننۋ ەير، ايەروموڭعوليا اۆياكومپانيالارى كەستە بويىنشا باعىتتاردى ورىنداۋدا»، - دەپ جازادى اگەنتتىك.