قازاقستاننىڭ باس ءمۇفتيى پرەزيدەنتكە حات جولدادى
«قادىرلى قاسىم- جومارت كەمەل ۇلى! سىندارلى ساتتە قازاق ەلىنىڭ تاريحي كوشىن باستاعان ءسىزدىڭ جانە حالقىمىزدىڭ الەمدىك قاۋىمداستىق الدىنداعى ابىرويى مەن مارتبەسىنىڭ ودان سايىن ارتا تۇسۋىنە ىزگى نيەتىم مەن تىلەۋلەستىگىمدى بىلدىرەمىن. تاۋەلسىزدىك جىلدارىندا قالىپتاسقان ءدىنارالىق كەلىسىم مەن ۇلتارالىق تاتۋلىقتىڭ قازاقستاندىق مودەلىنىڭ ماڭىزى كۇن ساناپ ارتۋدا. ەلىمىزدەگى ءداستۇرلى دىندەر مەن ۇلت وكىلدەرىنىڭ كەلىسىم اياسىندا ءومىر ءسۇرۋى سونىڭ ايعاعى دەپ اتار ەدىك. مارتەبەلى پرەزيدەنت! ءسىزدى 6 - شىلدە - نۇر- سۇلتان قالاسى كۇنى مەرەكەسىمەن شىن جۇرەكتەن قۇتتىقتايمىن! دەنىڭىزگە ساۋلىق، وتباسىڭىزعا اماندىق، ەل يگىلىگى جولىنداعى باستامالارىڭىز بەن تاريحي شەشىمدەرىڭىزگە بەرەكە تىلەيمىن! اللا تاعالا حالقىمىزدىڭ جارقىن بولاشاعى جولىنداعى جۇمىستارىڭىزعا جار بولعاي! دەنىڭىز قۋاتتى، ءار كۇنىڭىز شۋاقتى بولعاي! ءامين!»، - دەلىنگەن باس ءمۇفتيدىڭ قۇتتىقتاۋ حاتىندا.
اۆتور: مارلان جيەمباي