+7 (701) 759 90 19
14 °С : نۇر-سۇلتان
19 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندا قاتاڭ كارانتين شارالارى كۇشىنە ەندى

5 شىلدە 11:48
:ءبولىسۋ
قازاقستاندا قاتاڭ كارانتين شارالارى كۇشىنە ەندى

نۇر- سۇلتان. قازاقپارات - بۇگىننەن باستاپ ەلدە كوروناۆيرۋس ينفەكسياسىنىڭ تارالۋىنا جول بەرمەۋ ماقساتىندا ءبىرقاتار شەكتەۋ شارالارى كۇشىنە ەندى، دەپ حابارلايدى قازاقپارات ءتىلشىسى.

ايتا كەتەيىك، 2 - شىلدە كۇنى ق ر پرەمەر- ءمينيسترى اسقار ءماميننىڭ توراعالىعىمەن وتكەن مەملەكەتتىك كوميسسيا وتىرىسىندا ق ر پرەزيدەنتى قاسىم- جومارت توقايەۆتىڭ تاپسىرماسىنا سايكەس قازاقستانداعى ەپيدەميولوگيالىق احۋالدى تۇراقتاندىرۋ شارالارى قارالعان بولاتىن. وسى كەڭەستە مەم كوميسسيا 5 - شىلدەدەن باستاپ 14 كۇنگە قاتاڭ شەكتەۋ شارالارىن ەنگىزۋ جونىندە شەشىم قابىلدادى.

14 كۇنگە سوزىلاتىن كارانتين بارىسىندا ق ر باس مەملەكەتتىك سانيتار دارىگەرىنىڭ قاۋلىسىنا سايكەس، ەلدەر ءتىزىمىن كوبەيتپەي، حالىقارالىق اۋە قاتىناسى ساقتالاتىن بولدى. وڭىرلەر اراسىنداعى اۋە قاتىناسى، تەمىر جول قاتىناسى ساقتالعانىمەن، ناقتى شەكتەۋ شارالارى قولدانىلادى. وڭىرلەر اراسىنداعى جولاۋشىلار اۆتوبۋسى قاتىناسى ۋاقىتشا توقتاتىلدى. قالا ىشىندەگى قوعامدىق كولىكتىڭ جۇمىسىنا دا ۋاقىت بويىنشا شەكتەۋ ەنگىزىلدى.

ماسەلەن، ەرتەڭنەن باستاپ ەلوردادا الداعى 2 اپتاعا قوعامدىق كولىك قوزعالىسى توقتاتىلادى. ويىن- ساۋىق، سپورت جانە باسقا دا بۇقارالىق ءىس- شارالاردى، سونداي- اق وتباسىلىق، ەسكە الۋ شارالارىن وتكىزۋگە تىيىم سالىندى. اشىق اۋادا جاتتىعۋ جاساۋعا رۇقسات ەتىلگەنىمەن، تۇرعىنداردىڭ كوشەدە، ساياباقتا، سكۆەرلەردە 3 ادامنان ارتىق سەرۋەندەۋىنە شەكتەۋ ەنگىزىلدى. 65 جاستان اسقان ادامداردىڭ سىرتقا شىعۋىنا تىيىم سالىندى.

سۇلۋلىق سالوندارى، شاشتاراز، سپورت زالدارى، فيتنەس ورتالىقتار، باسسەيندەر، ازىق- تۇلىك جانە ازىق- تۇلىكتىك ەمەس جابىق بازارلار، جاعاجايلار، اكۆاپاركتەر، مادەنيەت نىساندارى، مۋزەيلەر، كورمەلەر، فورۋمدار، كونفەرەنتسيالار جانە وزگە دە ۇيىمداستىرىلعان بۇقارالىق ءىس- شارالار، ويىن- ساۋىق ورتالىقتارى، مەكتەپكە دەيىنگى بالالار مەكەمەلەرى (كەزەكشى توپتاردان باسقا)، ءدىني نىساندار جانە ت. ب. (س و س و- داعى ويىن- ساۋىق ورتالىقتارى، ويىن- ساۋىق نىساندارى (كاراوكە، بيليارد، كومپيۋتەر كلۋبتارى، بوۋلينگ ورتالىقتارى)، كينوتەاترلار، بالالاردى ساۋىقتىرۋ لاگەرلەرى، فۋدكورتتار، بانكەت زالدارى) قىزمەتىنە تىيىم سالىندى.

مەملەكەتتىك ورگانداردىڭ (ۇيىمداردىڭ)، كەڭسەلەردىڭ، ۇلتتىق كومپانيالاردىڭ جانە وزگە دە ۇيىمداردىڭ قىزمەتكەرلەرىنىڭ كەمىندە 80 پايىزىنىڭ قاشىقتان جۇمىس ىستەۋ رەجيمى ساقتالاتىن بولادى. الدىن الا جازىلۋ بويىنشا مەديتسينا ورتالىقتارىنىڭ، ءدارىحانالاردىڭ، ازىق- تۇلىك دۇكەندەرىنىڭ، اشىق بازارلاردىڭ قىزمەتى جالعاسادى. كۇشەيتىلگەن سانيتارلىق- دەزينفەكسيالىق رەجيمدى ساقتاي وتىرىپ، اشىق اۋادا قوعامدىق تاماقتانۋ نىساندارى؛

ۇزدىكسىز وندىرىستىك اينالىمى بار قۇرىلىس، ونەركاسىپ كاسىپورىندارى؛

اشىق اۋاداعى قۇرىلىس جۇمىستارى؛

اۋىل شارۋاشىلىعى، بالىق شارۋاشىلىعى جانە مال شارۋاشىلىعى جۇمىستارى؛

حالىققا قىزمەت كورسەتۋ سالالارى،

ونىڭ ىشىندە اۆتو جۋۋ، اۆتوموبيلدەردى جانە تۇرمىستىق تەحنيكانى جوندەۋ، ح ق و- لار، ەكىنشى دەڭگەيلى بانكتەر (ۋاقىت بويىنشا شەكتەۋ ەنگىزۋمەن) جۇمىسىن جالعاستىرادى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات