+7 (701) 759 90 19
14 °С : نۇر-سۇلتان
19 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

دارىگەرلەردىڭ جان ايقايى: بۇيرەكتەرىڭىز بەن باۋىرلارىڭىزدى ساقتاڭىزدار

5 شىلدە 11:23
:ءبولىسۋ
دارىگەرلەردىڭ جان ايقايى: بۇيرەكتەرىڭىز بەن باۋىرلارىڭىزدى ساقتاڭىزدار

نۇر- سۇلتان. قازاقپارات - قازاقستاندىق دارىگەرلەر مەن دەنساۋلىق ساقتاۋ مينيسترلىگىنىڭ باسشىلىعى الەۋمەتتىك جەلىلەردەگى اككاۋنتتارىندا «جان ايقايىن» جاريالاپ، ەل تۇرعىندارىنا Whats App ارقىلى ەمدەلۋدى دوعارۋدى، ءبىر- بىرىنە كوروناۆيرۋستى «ەمدەۋ حاتتامالارىن» تاراتپاۋدى وتىنۋدە، دەپ حابارلايدى قازاقپارات ءتىلشىسى.

«بارلىعىن دوعارۋلارىڭىزدى وتىنەمىن! Whats App ارقىلى تاراعان حابارلامالارمەن ەمدەلمەڭىزدەر! بىرەۋلەر جىبەرگەن «ەمدەۋ حاتتاماسىن» تاراتۋدى قويىڭىزدار»، - دەپ جازدى دارىگەر، وتباسىلىق دارىگەرلەر قاۋىمداستىعىنىڭ وقىتۋشى- كەڭەسشىسى ەلەنا حەگاي. سونىمەن قاتار ول ارىپتەستەرىن ءۇي جاعدايىندا دەكسامەتازون مەن پرەدنيزولون دارىلەرىن تاعايىنداۋعا، سونىمەن قاتار ۇيدە ىشۋگە 8-15 پرەپارات جازىپ بەرۋدى قويۋعا شاقىردى.

«امبۋلاتورلىق كەزەڭدە نەگىزگى نازار سيمپتومدار مەن بەلگىلەرگە، سيمپتومدىق ەمدەۋگە (جىلى سۇيىقتىقتى ۇزدىكسىز ءىشۋ، تولىققاندى ەمدەۋ جانە تەڭگەرىمدى تاماقتانۋ) اۋدارىلىپ، قارقىندى باقىلاۋ جۇرگىزىلۋى ءتيىس. دارىلەرى - يبۋپروفەن نەمەسە پاراتسەتامول»، - دەپ كەڭەس بەرەدى ول.

ە. حەگايدىڭ اتاپ وتۋىنشە، ءتىپتى انتيبيوتيكتىڭ ءوزى ناۋقاستاردىڭ باسىم بولىگىنە اۋرۋدىڭ العاشقى 7-10 كۇنىندە تاعايىندالۋى ءتيىس.

«ەگەر ول (انتيبيوتيك) تاعايىندالعاننىڭ وزىندە تەك ءبىر پرەپاراتقا عانا جانە تابلەتكا تۇرىندە»، - دەدى دارىگەر.

دارىگەرلەردىڭ اتاپ وتۋىنشە، بۇگىنگى كۇنى COVID-19-عا قارسى تيىمدىلىگى دالەلدەنگەن بىردە- ءبىر ءدارى جوق. اتسيكلوۆير گەربەس توبىنا كىرەتىن ۆيرۋستارعا قارسى قولدانعاندا عانا ءتيىمدى. ال وسەلتاميۆير تۇماۋعا عانا پايدالى.

«بۇيرەكتەرىڭىز بەن باۋىرلارىڭىزدى ساقتاڭىزدار. ول تىنىس الۋ جەتىسپەۋشىلىگى جانە باسقا دا سيمپتومدار ورشىگەن كەزدە ستاتسيونارعا جاتاتىندار ءۇشىن اسا قاجەت بولادى. ويتكەنى، ولارعا پرەپاراتتار وتە كوپ ەگىلەدى. مۇندايعا قانداي بۇيرەك، قانداي باۋىر شىداس بەرمەك؟ ادامدار COVID-19 اۋرىنىڭ وزىنەن عانا ەمەس، سونىمەن بىرگە مەديتسينالىق كومەك الۋدىڭ بارلىق كەزەڭىندەگى اياۋسىز ەمدەلۋدىڭ سالدارىنان ءولىپ قالۋى مۇمكىن»، - دەدى دارىگەر.

اۆتور: مارلان جيەمباي



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات