+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ەرلان تۇرعىمبايەۆ ءى ءى م جوعارى وقۋ ورىندارىنىڭ تۇلەكتەرىنە پوگون تاپسىردى

4 شىلدە 22:32
:ءبولىسۋ
ەرلان تۇرعىمبايەۆ ءى ءى م جوعارى وقۋ ورىندارىنىڭ تۇلەكتەرىنە پوگون تاپسىردى

نۇر- سۇلتان. قازاقپارات - ىشكى ىستەر ءمينيسترى ەرلان تۇرعىمبايەۆ ءى ءى م جوعارى وقۋ ورىندارىنىڭ ۇزدىك تۇلەكتەرىنە وفيتسەرلىك پوگون تاپسىردى، دەپ حابارلايدى قازاقپارات.

ءداستۇر بويىنشا استانا كۇنى قارساڭىندا اسكەري جانە قۇقىق قورعاۋ جوعارى وقۋ ورىندارىنىڭ ۇزدىك تۇلەكتەرى ەلىمىزدىڭ ەلورداسىنا العاشقى وفيتسەرلىك لەيتەنانت اتاعىن تاپسىرۋ ءۇشىن شاقىرىلدى. ءى ءى م الماتى، قاراعاندى جانە قوستاناي اكادەميالارىنىڭ، اقتوبە زاڭ جانە كوكشەتاۋ تەحنيكالىق ينستيتۋتتارىنىڭ، سونداي- اق ۇلتتىق ۇلان اسكەري ينستيتۋتىنىڭ وقۋ ۇزدىكتەرى ۆەدومستۆو باسشىسى تابىستاعان لەيتەنانت پوگوندارىمەن ۇلكەن ومىرگە قادام باستى. ءمينيستردىڭ ۇزدىك تۇلەكتەرمەن كەزدەسۋى بارلىق سانيتارلىق- گيگيەنالىق نورمالاردى ساقتاي وتىرىپ وتكىزىلدى.

«ىشكى ىستەر ورگاندارىنىڭ قىزمەتكەرلەرى مەن اسكەري قىزمەتشىلەرى كەز- كەلگەن ساتتە دەنساۋلىعى مەن ومىرىنە قاۋىپ تونسە دە، ازاماتتار مەن قوعامدى قىلمىستىق قول سۇعۋشىلىقتان قورعاۋعا دايىن. ىشكى ىستەر مينيسترلىگى ماقتان تۇتاتىن مۇنداي باتىرلىق ارەكەتتەر از ەمەس. تەك جىل باسىنان بەرى ۇلگىلى قىزمەت اتقارعانى جانە قىزمەتتىك بورىشىن ءمىنسىز ورىنداعانى ءۇشىن ىشكى ىستەر ورگاندارىنىڭ 141 قىزمەتكەرى مەملەكەتتىك ماراپاتقا يە بولدى»، - دەدى ەرلان تۇرعىمبايەۆ تۇلەكتەرمەن كەزدەسۋ بارىسىندا.

مينيستر الداعى ۋاقىتتا ماراپاتتالعانداردىڭ قاتارىندا 2020 -جىلعى تۇلەكتەر دە بولادى دەپ سەنىم ءبىلدىردى. ال وقۋ ورىندارىنىڭ قابىرعاسىندا الىنعان ءبىلىم مەن مورالدىق- پسيحولوگيالىق دايىندىق جاس قىزمەتكەرلەردىڭ الەۋەتىن ىسكە اسىرۋ مەن دامىتۋ ءۇشىن نەگىز بولادى.

«ىشكى ىستەر ورگاندارى قىزمەتكەرلەرىنىڭ قاتارىن تولىقتىرا وتىرىپ، سىزدەر ەلدەگى قۇقىقتىق ءتارتىپتى، ءبىزدىڭ ازاماتتارىمىزدىڭ قاۋىپسىزدىگى مەن تىنىشتىعىن قامتاماسىز ەتۋگە لايىقتى ۇلەس قوساتىندارىڭىزعا، وتانىمىز - قازاقستان رەسپۋبليكاسىنىڭ يگىلىگى ءۇشىن ابىرويلى قىزمەت ەتەتىندەرىڭىزگە سەنەمىن»، - دەپ اتاپ ءوتتى ءى ءى م باسشىسى.

ۆەدومستۆولىق ءبىلىم بەرۋدى جاڭعىرتۋ شەڭبەرىندە وقۋ ورىندارىن وڭتايلاندىرۋ جۇرگىزىلدى. بۇگىندە ىشكى ىستەر ورگاندارى مەن ۇلتتىق ۇلان ءۇشىن ماماندار دايارلاۋ ءى ءى م- ءنىڭ بەس جوعارى وقۋ ورنىندا جۇرگىزىلۋدە. بۇل اكادەمياعا ءتۇسۋ كەزەڭىندە تالاپكەرلەر اراسىندا ساپالى ىرىكتەۋ جۇرگىزۋگە، سونداي- اق ءى ءى و- نىڭ بولاشاق قىزمەتكەرلەرىن دايارلاۋ ساپاسىن ارتتىرۋعا مۇمكىندىك بەردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات