قىتايدان قازاقستانعا گۋمانيتارلىق جۇك كەلدى

الماتى. قازاقپارات - كوروناۆيرۋس ىندەتىنىڭ تارالۋىنا قارسى كۇرەستەگى حالىقارالىق كۇش- جىگەر مەن ىنتىماقتاستىق شەڭبەرىندە قىتاي حالىق رەسپۋبليكاسىنىڭ ۇكىمەتى جولداعان مەديتسينالىق گۋمانيتارلىق كومەكتىڭ كەزەكتى پارتياسى بۇگىن الماتى قالاسىنىڭ حالىقارالىق اۋەجايىنا جەتكىزىلدى، دەپ حابارلايدى قازاقپارات ق ر س ى ى م باسپا ءسوز قىزمەتىنە سىلتەمە جاساپ.

جۇك قۇرامىنا COVID-19 ىندەتىن انىقتاۋعا ارنالعان 50 مىڭ تەست- جۇيەلەر، سونداي- اق 70 مىڭ قورعانىس كوزاينەگى، 150 مىڭ مەديتسينالىق قولعاپتار، 1000 - تۇيىسپەسىز تەرمومەترلەر، 30 مىڭ قورعانىس كوستيۋمدەرى مەن 600 مىڭ ماسكالار كىردى.

قورعانىس قۇرالدارى مەديتسينالىق مەكەمەلەر مەن ۇيىمدار اراسىندا تاراتىلادى. قازاقستان سىرتقى ىستەر مينيسترلىگى ق ح ر ۇكىمەتىنە جاھاندىق پاندەميا جاعدايىندا ۇسىنىلعان گۋمانيتارلىق جۇك ءۇشىن ريزاشىلىعىن بىلدىرەدى. ءبىزدىڭ قىتايلىق ارىپتەستەرىمىزدىڭ يگى ارەكەتى قازاقستان مەن قىتاي اراسىنداعى ماڭگىلىك جان- جاقتى ستراتەگيالىق ارىپتەستىكتى ودان ءارى نىعايتۋعا دەگەن بەكەمدىگىن كورسەتەدى.