12:37, 04 - شىلدە 2020 | GMT +6
كوروناۆيرۋس بەلگىلەرى انىقتالعان ادامدار ءۇشىن موبيلدى توپ قىزمەتى تەگىن كورسەتىلەدى
نۇر- سۇلتان. قازاقپارات - كوروناۆيرۋس بەلگىلەرى انىقتالعان ازاماتتار ءۇشىن موبيلدى توپتىڭ قىزمەتى تەگىن كورسەتىلەدى.
دەنساۋلىق ساقتاۋ مينيسترلىگى تاراتقان رەسمي دەرەككە سۇيەنسەك، جۇقپالى ىندەتپەن سىرقاتتانعان ادامداردان بولەك، موبيلدى توپ وكپەسى قابىنعان ناۋقاستار مەن ستاتسيوناردان ەم قابىلداپ شىققان ازاماتتارعا قىزمەت كورستەدى.
بۇل اۋرۋدىڭ اسقىنۋىنا جول بەرمەۋ ءۇشىن قولعا الىنعان شارا. ودان بولەك جەدەل توپتىڭ قىزمەتىنە سوزىلمالى اۋرۋى بار ناۋقاستار، جۇكتى ايەلدەر مەن بالالار جۇگىنە الادى. تاعى اتاپ ءوتۋ كەرەك، قىزمەت قۇنى 5400 تەڭگە. ءبىراق ول قاراجاتتى قالتاڭىزدان تولەمەيسىز. مەملەكەت، قاجەتتى سومانى مىندەتتى الەۋمەتتىك ساقتاندىرۋ قورىنان اۋدارىپ وتىرادى.
www.24.kz