+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

اتىراۋ، الماتى، ماڭعىستاۋ، باتىس قازاقستان وبلىستارىندا كوروناۆيرۋس ءورشىپ تۇر

4 شىلدە 11:39
:ءبولىسۋ
اتىراۋ، الماتى، ماڭعىستاۋ، باتىس قازاقستان وبلىستارىندا كوروناۆيرۋس ءورشىپ تۇر

نۇر- سۇلتان. قازاقپارات - اتىراۋ، الماتى، ماڭعىستاۋ، باتىس قازاقستان وبلىستارىندا COVID-19 ءورشىپ تۇر. بۇل تۋرالى ق ر باس مەملەكەتتىك سانيتار دارىگەرى ايجان ەسماعامبەتوۆا ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا كوروناۆيرۋس ينفەكسياسىمەن سىرقاتتانۋ بويىنشا ەپيدەميولوگيالىق جاعداي تۇراقتى ەمەس. 2020 -جىلدىڭ 4 - شىلدەدەگى جاعداي بويىنشا قازاقستاندا COVID-19 اۋرۋىنىڭ 45719 جاعدايى تىركەلدى. بۇگىنگى كۇنى اۋرۋدىڭ سيمپومسىز جانە جەڭىل ءوتۋى 21819 پاتسيەنتتە بايقالادى. اۋرۋدىڭ ورتاشا دارەجەدە ءوتۋى 23645 بايقالىپ وتىر. 15276 ناۋقاس اۋرۋحانادان ەمدەلىپ شىقتى. 30219 ناۋقاس ەم الىپ جاتىر»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ اتاپ وتۋىنشە، سوڭعى ايدا كوروناۆيرۋس ينفەكسياسىمەن اۋىرعان ادامداردىڭ كوپشىلىگى نۇر- سۇلتان، الماتى، شىمكەنت قالالارىنىڭ، اتىراۋ، قاراعاندى، باتىس قازاقستان وبلىستارىنىڭ تۇرعىندارى اراسىندا بايقالادى.

«سوڭعى تاۋلىكتە 1644 جۇقتىرۋ جاعدايى تىركەلدى. كوپشىلىگى اتىراۋ، الماتى، ماڭعىستاۋ، باتىس قازاقستان وبلىستارىنىڭ جانە الماتى قالاسىنىڭ تۇرعىندارى اراسىندا تىركەلگەن. 4 - شىلدەدەگى جاعداي بويىنشا اۋىرعان ادامداردىڭ جالپى سانىنىڭ 42 پايىزى پروفيلاكتيكالىق تەكسەرۋ كەزىندە انىقتالعان. 37 پايىزى بايلانىستا بولعان ادامداردىڭ اراسىندا شىقتى. 19 پايىزى وزدىگىنەن جۇگىنۋ كەزىندە جانە 2 پايىزى سىرتتان كەلگەندەردىڭ اراسىندا تابىلدى»، - دەدى ايجان ەسماعامبەتوۆ.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات