+7 (701) 759 90 19
17 °С : نۇر-سۇلتان
22 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قاتاڭ كارانتين: ق ر ءى ءى م باسشىسى قازاقستاندىقتارعا مالىمدەمە جاسادى

3 شىلدە 22:04
:ءبولىسۋ
قاتاڭ كارانتين: ق ر ءى ءى م باسشىسى قازاقستاندىقتارعا مالىمدەمە جاسادى

نۇر- سۇلتان. قازاقپارات – ق ر ىشكى ىستەر ءمينيسترى ەرلان تۇرعىمبايەۆ ەلىمىزدە ەنگىزىلەتىن قاتاڭ كارانتين شارالارىنا بايلانىستى قازاقستاندىقتارعا مالىمدەمە جاسادى، دەپ حابارلايدى قازاقپارات Polisia.kz سايتىنا سىلتەمە جاساپ.

«قۇرمەتتى وتانداستار! كوروناۆيرۋس ينفەكسياسىنىڭ تارالۋىنا بايلانىستى مەملەكەتتىك كوميسسيا 5 - شىلدەدەن باستاپ ەكى اپتالىق ءىشىنارا شەكتەۋ ەنگىزۋ تۋرالى شەشىم قابىلدادى. بۇل شەكتەۋلەر ارقىلى جەكەلەگەن شاعىن جانە ورتا بيزنەس ساناتتارىنىڭ قىزمەتىن توقتاتۋ، قوعامدىق كولىكتەردىڭ جۇمىسىن جانە ادامدار كوپ باراتىن جەرلەردە ازاماتتاردىڭ جينالۋىن شەكتەۋ، سونداي- اق بۇقارالىق ءىس- شارالار وتكىزۋگە تىيىم سالۋ قاراستىرىلعان. مۇنىڭ ءبارى ينفەكسيانىڭ تارالۋىنا جول بەرمەۋ ءۇشىن جاسالادى. كاسىپورىندار، ازىق- تۇلىك دۇكەندەرى، ءدارىحانالار، بانكتەر جانە قىسقارتىلعان كەستە بويىنشا ح ق و- لار جۇمىس ىستەيتىن بولادى. ءبىزدىڭ ازاماتتارىمىز قازاقستاندىقتاردىڭ ءومىرى مەن دەنساۋلىعىن ساقتاۋعا باعىتتالعان سانيتارلىق جانە الدىن الۋ شارالارىن قاتاڭ ساقتايتىنىنا سەنىمدىمىن. وسى كەزەڭدە ىشكى ىستەر ورگاندارى قىزمەت وتكەرۋدىڭ ەرەكشە رەجيمىنە كوشىرىلەتىن بولادى. وسىعان بايلانىستى، ىشكى ىستەر مينيسترلىگى ازاماتتاردى الەۋمەتتىك قاشىقتىق پەن ماسكا رەجيمىن ساقتاۋعا، كوپ ادام شاقىرىلاتىن ءىس- شارالار وتكىزبەۋگە جانە وزدەرىنىڭ بايلانىستارىن ازايتۋعا شاقىرادى»، - دەدى مينيستر.

سونداي- اق ە. تۇرعىمبايەۆ پوليتسەيلەر دەنساۋلىق ساقتاۋ ورگاندارى مەن سانيتارلىق- ەپيدەميولوگيالىق قىزمەتتەرگە كوروناۆيرۋستىڭ تارالۋ وشاقتارىن وقشاۋلاۋ، شەكتەۋ شارالارىن قامتاماسىز ەتۋ باعىتىندا جان- جاقتى كومەك كورسەتۋدى جالعاستىرادى.

«سونىمەن قاتار، تەك قانا رەسمي اقپارات كوزدەرىنە عانا سەنۋ ماڭىزدى. كورىنەۋ جالعان مالىمەتتەردىڭ اۆتورلارى مەن تاراتۋشىلارى انىقتالىپ، جاۋاپكەرشىلىككە تارتىلاتىن بولادى. ەنگىزىلەتىن شەكتەۋلەردىڭ تيىمدىلىگى ءارقايسىمىزدىڭ جەكە جاۋاپكەرشىلىگىمىزگە بايلانىستى. تەك بىرلەسكەن كۇش- جىگەر، شىدامدىلىق پەن تۇسىنىستىك كورسەتە وتىرىپ، قىزمەت اتقارىپ جۇرگەن مەديتسينا قىزمەتكەرلەرى مەن پوليتسەيلەرگە قولداۋ كورسەتە الامىز. ءبىز بۇل قاتەرگە بىرلەسە قارسى تۇرعاندا عانا ازاماتتارىمىزدىڭ قاۋىپسىزدىگىن قامتاماسىز ەتىپ، دەنساۋلىقتارىن ساقتاپ قالامىز!»، - دەدى ۆەدومستۆو باسشىسى.

ەسكە سالايىق، قازاقستاندا كوروناۆيرۋسقا قاتىستى ەپيدەميولوگيالىق احۋالدىڭ ورشۋىنە بايلانىستى بيىلعى 5 - شىلدەدەن باستاپ 14 كۇنگە قاتاڭ شەكتەۋ شارالارى ەنگىزىلەدى. وسىعان بايلانىستى، ق ر باس مەملەكەتتىك سانيتارلىق دارىگەردىڭ قاۋلىسى جاريالاندى. كارانتين رەجيمى مەن سانيتارلىق- ەپيدەميولوگيالىق تالاپتاردى بۇزعانى ءۇشىن جەكە تۇلعالارعا 83340 تەڭگەگە دەيىن، ال كاسىپكەرلەرگە 638940 تەڭگەگە دەيىن ايىپپۇل سالىنادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات