+7 (701) 759 90 19
14 °С : نۇر-سۇلتان
19 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندا قاتاڭ كارانتيننىڭ ەنگىزىلۋى - باس سانيتارلىق دارىگەردىڭ قاۋلىسى شىقتى

3 شىلدە 20:47
:ءبولىسۋ
قازاقستاندا قاتاڭ كارانتيننىڭ ەنگىزىلۋى - باس سانيتارلىق دارىگەردىڭ قاۋلىسى شىقتى

نۇر- سۇلتان. قازاقپارات – ق ر باس مەملەكەتتىك سانيتارلىق دارىگەرىنىڭ 5- شىلدەدەن باستاپ قازاقستان اۋماعىندا قاتاڭ كارانتين شارالارىن ەنگىزۋ تۋرالى قاۋلىسى جاريالاندى، دەپ حابارلايدى قازاقپارات.

«پايدا بولۋ جانە تارالۋ قاۋپى تونگەن كەزدە شەكتەۋ ءىس- شارالارى، ونىڭ ىشىندە كارانتين ەنگىزىلەتىن ينفەكسيالىق اۋرۋلار تىزبەسىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 -جىلعى 25 - اقپانداعى № 130 بۇيرىعىنا جانە «قازاقستان رەسپۋبليكاسىنىڭ اۋماعىندا شەكتەۋ ءىس- شارالارىن، ونىڭ ىشىندە كارانتيندى جۇزەگە اسىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 -جىلعى 20 ناۋرىزداعى № 239 بۇيرىعىنا سايكەس قاۋلى ەتەمىن:

1. قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى اۆيارەيستەردىڭ باعىتتارى مەن جيىلىگىن كوبەيتپەي، وڭىرلەر اراسىنداعى اۆياقاتىناستاردى ساقتاۋدى قامتاماسىز ەتسىن.

2. قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى، «قازاقستان تەمىر جولى» ۇلتتىق كومپانياسى» اكسيونەرلىك قوعامى:

1) جولاۋشىلاردىڭ تەمىر جول تاسىمالى كولەمىن قىسقارتۋدى قامتاماسىز ەتسىن؛ 2) قالا ماڭىنداعى جولاۋشىلار پوەزدارىنىڭ (ەلەكتريچكا، جۇمىس پوەزدارىن قوسپاعاندا) قوزعالىسىن توقتاتا تۇرسىن؛ 3) جولاۋشىلار پوەزدارىنىڭ قۇرامىندا جالپى ۆاگونداردى قۇرۋدى بولدىرماسىن.

3. وبلىستاردىڭ، الماتى، نۇر- سۇلتان، شىمكەنت قالالارىنىڭ اكىمدەرى، ورتالىق مەملەكەتتىك ورگاندار، قۇقىق قورعاۋ جانە ارنايى ورگاندار:

1) قالاارالىق اۆتوبۋس تاسىمالدارىن توقتاتا تۇرۋدى؛ 2) ويىن- ساۋىق، سپورتتىق ءىس- شارالاردى، كورمەلەر، فورۋمدار، كونفەرەنتسيالار، سونداي- اق وتباسىلىق، ەستەلىك ءىس- شارالارىن (بانكەتتەر، ۇيلەنۋ تويلارى، مەرەيتويلار، اس بەرۋ) ، ونىڭ ىشىندە ۇيدە جانە ادامدار كوپ جينالاتىن وزگە دە ءىس- شارالاردى وتكىزۋگە تىيىم سالۋدى؛

3) ازىق- تۇلىك سۋپەرماركەتتەرى مەن ولارداعى ءدارىحانالاردى قوسپاعاندا، ساۋدا- ويىن- ساۋىق ورتالىقتارىنىڭ، ساۋدا ۇيلەرىنىڭ، ساۋدا جەلىلەرىنىڭ قىزمەتىنە تىيىم سالۋدى؛ 4) ويىن- ساۋىق مەكەمەلەرىنىڭ (كاراوكە، بيليارد، كومپيۋتەر كلۋبتارى، تۇنگى كلۋبتار، بوۋلينگ ورتالىقتارى، اتتراكتسيوندار، بالالاردىڭ ويىن الاڭدارى، باتۋتتار جانە باسقالارى)، كينوتەاترلاردىڭ قىزمەتىنە تىيىم سالۋدى؛

5) بارلىق مادەنيەت وبەكتىلەرىنىڭ (تەاترلار، كونسەرت ززالدارى، مۇراجايلار، كورمەلەر جانە ت. ب. ) قىزمەتىنە تىيىم سالۋدى؛

6) ءدىني وبەكتىلەردىن (مەشىتتەر، شىركەۋلەر، سوبورلار، سيناگوگا جانە ت. ب. ) قىزمەتىن توقتاتا تۇرۋدى؛

7) بالالاردى ساۋىقتىرۋ لاگەرلەرىنىڭ، مەكتەپكە دەيىنگى بالالار مەكەمەلەرىنىڭ، بالالاردىڭ تۇزەتۋ كابينەتتەرىنىڭ، ءبىلىم بەرۋ ورتالىقتارىنىڭ، بالالاردى دامىتۋ ورتالىقتارىنىڭ، ۇيىرمەلەردىڭ، بالالار مەن ەرەسەكتەرگە ارنالعان كۋرستاردىڭ قىزمەتىنە تىيىم سالۋدى؛

8) فۋدكورتتار، بانكەت زالدارىنىڭ قىزمەتىنە تىيىم سالۋدى؛ 9) س پا- ورتالىقتاردىڭ، جاتتىعۋ زالدارىنىڭ، فيتنەس- ورتالىقتاردىڭ، سپورتتىق- ساۋىقتىرۋ ورتالىقتارىنىڭ، باسسەيندەردىڭ، قالالىق، قوعامدىق جاعاجايلاردىڭ، اشىق اكۆاپاركتەردىڭ، قوعامدىق مونشالاردىڭ، ساۋنالاردىڭ، سۇلۋلىق سالوندارىنىڭ، شاشتارازداردىڭ، كوسمەتيكالىق جانە كوسمەتولوگيالىق قىزمەت كورسەتەتىن ورتالىقتار مەن سالونداردىڭ قىزمەتىنە، مانيكيۋر مەن پەديكيۋر كورسەتىلەتىن قىزمەتتەرىنە تىيىم سالۋدى؛

10) جابىق ازىق- تۇلىك جانە ازىق- تۇلىك ەمەس بازارلارىنىڭ قىزمەتىنە تىيىم سالۋدى؛

11) 500 2 m ارتىق ازىق- تۇلىك ەمەس دۇكەندەردىڭ تەك جەتكىزۋ قىزمەتىن؛ 12) 65 جاستان اسقان تۇرعىنداردىڭ جانە 3 ادامنان ارتىق توپتاردىڭ ءجۇرىپ- تۇرۋىن شەكتەۋدى؛

13) قوعامدىق كولىكتىڭ قوزعالىسىن شەكتەۋدى؛ 14) وڭىرلەر اراسىندا جەكە اۆتوكولىكتىڭ ءجۇرىپ- تۇرۋىنا رۇقسات بەرۋدى؛

15) الەۋمەتتىك قاشىقتىقتى جانە كۇشەيتىلگەن سانيتاريالىق- دەزينفەكسيالىق رەجيمدى ساقتاي وتىرىپ، مەملەكەتتىك ورگانداردىڭ (ۇيىمداردىڭ، كاسىپورىنداردىڭ)، كۆازيمەملەكەتتىك سەكتور ورگاندارىنىڭ، ۇلتتىق كومپانيالاردىڭ، وزگە دە ۇيىمداردىڭ، سونداي- اق كاسىپكەرلىك سۋبەكتىلەرىنىڭ قىزمەتىنە رۇقسات بەرۋدى قامتاماسىز ەتسىن.

بۇل رەتتە قىزمەتكەرلەردىڭ كەمىندە %80- ى قاشىقتىقتان جۇمىس نىسانىندا قالادى (شتات كەستەسىندە 30-دان استام قىزمەتكەر بولعاندا)؛ 16) ايماققا ءبولۋ جانە كۇشەيتىلگەن سانيتاريالىق- دەزينفەكتسيالىق رەجيم تالاپتارىن ساقتاي وتىرىپ، مەديتسينالىق ورتالىقتاردىڭ (جازىلۋ بويىنشا) قىزمەتىنە رۇقسات بەرۋدى؛

17) كۇشەيتىلگەن سانيتاريالىق- دەزينفەكسيالىق رەجيمدى ساقتاي وتىرىپ جانە % 50 - نان اسىرماي تولتىرا وتىرىپ، حالىقتىڭ تۇرۋى بويىنشا قىزمەت كورسەتۋ سالاسىنداعى تۋريزم وبەكتىلەرى مەن ۇيىمدارىنىڭ (قوناقۇيلەر، وتەلدەر، دەمالىس ۇيلەرى، تۋريستىك بازالار جانە ت. ب. ) قىزمەتىنە رۇقسات بەرۋدى؛

18) كۇشەيتىلگەن سانيتاريالىق- دەزينفەكسيالىق رەجيمدى ساقتاي وتىرىپ ءدارىحانالاردىڭ، ازىق- تۇلىك دۇكەندەرىنىڭ (شاعىن ماركەتتەر، سۋپەرماركەتتەر، گيپەرماركەتتەر)، ازىق- تۇلىك جانە ازىق- تۇلىك ەمەس بازارلاردىڭ (عيماراتتان تىس) قىزمەتىنە رۇقسات بەرۋدى؛

19) كۇشەيتىلگەن سانيتاريالىق- دەزينفەكسيالىق رەجيمدى ساقتاي وتىرىپ، ۇجىمدىق ءىس- شارالاردى وتكىزبەي، اشىق اۋاداعى جانە ءۇي- جايدا 30-دان اسپايتىن وتىراتىن ورىن ورناتا وتىرىپ، قوعامدىق تاماقتانۋ وبەكتىلەرىنىڭ قىزمەتىنە رۇقسات بەرۋدى؛

20) كۇشەيتىلگەن سانيتاريالىق- دەزينفەكسيالىق رەجيمدى ساقتاي وتىرىپ، ۇزدىكسىز وندىرىستىك سيكلى بار ونەركاسىپتىك كاسىپورىنداردىڭ؛ اشىق اۋاداعى قۇرىلىس جۇمىستارىنىڭ، اۋىل جانە بالىق شارۋاشىلىعىنىڭ، مال شارۋاشىلىعىنىڭ قىزمەتىنە رۇقسات بەرۋدى؛

21) كۇشەيتىلگەن سانيتاريالىق- دەزينفەكسيالىق رەجيمدى ساقتاي وتىرىپ، ۋاقىت بويىنشا شەكتەۋ ارقىلى حالىققا بايلانىسسىز قىزمەت كورسەتۋ وبەكتىلەرىنىڭ (اۆتوموبيل جۋۋ، اۆتوموبيلدەردى، تۇرمىستىق تەحنيكانى جوندەۋ جانە باسقالارى) قىزمەتىنە رۇقسات بەرۋدى؛

22) ۋاقىت بويىنشا شەكتەۋ ارقىلى جانە كۇشەيتىلگەن سانيتاريالىق- دەزينفەكسيالىق رەجيمدى ساقتاي وتىرىپ، بيزنەس- ورتالىقتاردىڭ (ادۆوكات، نوتاريۋس، بۋحگالتەر جانە كونسالتينگ كورسەتىلەتىن قىزمەتتەرى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، سوت ورىنداۋشىلارى جانە ت. ب. ) ، بۋكمەكەر كەڭسەلەرىنىڭ قىزمەتىنە رۇقسات بەرۋدى؛

23) كۇشەيتىلگەن سانيتاريالىق- دەزينفەكتسيالىق رەجيمدى ساقتاي وتىرىپ، ۋاقىت بويىنشا شەكتەۋ جانە قىزمەتتى بارىنشا ونلاين فورماتتا كورسەتۋ ارقىلى حقكو- نىڭ جۇمىسىن ۇيىمداستىرۋدى؛

24) كۇشەيتىلگەن سانيتاريالىق- دەزينفەكسيالىق رەجيمدى ساقتاي وتىرىپ، ۋاقىت بويىنشا شەكتەۋ جانە قىزمەتتى بارىنشا ونلاين فورماتتا كورسەتۋ ارقىلى «قازپوچتا» ا ق- نىڭ جۇمىسىن ۇيىمداستىرۋدى؛

25) الەۋمەتتىك قاشىقتىقتى ساقتاي وتىرىپ، 3 ادامنان اسپايتىن توپتارمەن نەمەسە ءبىر وتباسى مۇشەلەرىمەن ويىن- ساۋىق وبەكتىلەرى جوق ساياباقتارعا، الاڭدار مەن سكۆەرلەرگە، جاعالاۋلارعا جانە حالىقتىڭ باسقا دا دەمالىس ورىندارىنا بارۋعا رۇقسات بەرۋدى؛

26) اشىق اۋاداعى جەكە جاتتىعۋلارعا رۇقسات بەرۋدى؛

27) قوعامدىق كولىككە، تاكسيگە، ونەركاسىپتىك اۋماقتارعا، اۋەجايلارعا، اۋلالىق بالالار الاڭدارىنا، ازىق- تۇلىك جانە ازىق- تۇلىك ەمەس بازارلارعا جانە باسقا دا قوعامدىق ورىندرعا سانيتاريالىق جانە دەزينفەكتسيالىق وڭدەۋ جۇرگىزۋدى؛

28) قازاقستان رەسپۋبليكاسى ۇلتتىق بانكىنىڭ جانە قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ اكتىسىنە سايكەس ۋاقىتى جانە سانى بويىنشا شەكتەي وتىرىپ، قارجى نارىعى سۋبەكتىلەرىنىڭ قىزمەتىنە رۇقسات بەرۋدى قامتاماسىز ەتسىن.

4. وبلىستاردىڭ، الماتى، نۇر- سۇلتان، شىمكەنت قالالارىنىڭ اكىمدەرى، وبلىستاردىڭ، الماتى، نۇر- سۇلتان، شىمكەنت قالالارىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتتەرى، وبلىستاردىڭ، الماتى، نۇر- سۇلتان، شىمكەنت قالالارىنىڭ پوليتسيا دەپارتامەنتتەرى قىزمەتىنە رۇقسات بەرىلگەن وبەكتىلەردە كارانتيندىك شارالاردىڭ، سانيتاريالىق- دەزينفەكتسيالىق رەجيمنىڭ ساقتالۋىن باقىلاۋدى قامتاماسىز ەتسىن. بۇزۋشىلىقتار انىقتالعان جاعدايدا اكىمشىلىك قۇقىق بۇزۋشىلىق تۋرالى كودەكسكە سايكەس ءتيىستى اكىمشىلىك شارالار قولدانسىن.

5. ءتيىستى اۋماقتاعى، كولىكتەگى باس مەملەكەتتىك سانيتاريالىق دارىگەرلەر، قازاقستان رەسپۋبليكاسى قورعانىس مينيسترلىگىنىڭ، ۇلتتىق قاۋىپسىزدىك جانە ىشكى ىستەر ورگاندارىنىڭ، قازاقستان رەسپۋبليكاسى پرەزيدەنتىنىڭ ءىس باسقارماسى ۆەدومستۆوسىنىڭ حالىقتىڭ سانيتاريالىق- ەپيدەميولوگيالىق سالاماتتىلىعى سالاسىنداعى قىزمەتتى جۇزەگە اسىراتىن قۇرىلىمدىق بولىمشەلەرىنىڭ باسشىلارى قالىپتاسقان ەپيدەميولوگيالىق جاعدايعا بايلانىستى كارانتيندىك شارالاردى قاتاڭداتۋ تۋرالى شەشىم قابىلداۋعا قۇقىلى.

6. وسى قاۋلىنىڭ ورىندالۋىن باقىلاۋدى وزىمە قالدىرامىن.

7. وسى قاۋلى 2020 -جىلعى 5 - شىلدەدە 00 ساعات 00 مينۋتتان باستاپ كۇشىنە ەنەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات