قازاقستاندىقتارعا تۇركياعا كىرۋگە ۋاقىتشا تىيىم سالىندى
«تۇرىك بيلىگى قازاقستان ازاماتتارىنا ەكى اپتا بويى تۇركياعا كىرۋگە ۋاقىتشا تىيىم سالىنعانى جونىندە Air Astana اۋە كومپانياسىن حاباردار ەتتى. بۇعان 2 - شىلدەدە جاريالانعان قازاقستاندا كارانتيننىڭ كۇشەيتىلۋى سەبەپ بولىپ وتىر. الماتىدان جانە نۇر- سۇلتاننان انتاليا مەن ىستانبۇلعا رەيستەر تۇركيادا دەمالىسى اياقتالىپ، ەلگە ورالاتىن قازاقستاندىقتاردى الىپ كەلۋ ءۇشىن جالعاسا بەرەدى. تۇرىك بيلىگىنىڭ اقپاراتىنا سايكەس، بۇل شارالار - ۋاقىتشا. شەكتەۋلەر ەكى اپتادان كەيىن الىنىپ تاستالماق»، - دەلىنگەن Air Astana كومپانياسىنىڭ Facebook -تەگى پاراقشاسىندا.
اۆياكومپانيادان ءمالىم ەتكەندەي، تۇركياعا جاسالاتىن رەيستەردىڭ كەستەسىنە وزگەرىس ەنگىزىلەدى. ولار تۋرالى جولاۋشىلار ەلەكتروندىق پوشتا جانە sms ارقىلى حاباردار ەتىلەدى. ەسكە سالايىق، قازاقستاندا كوروناۆيرۋسقا قاتىستى ەپيدەميولوگيالىق احۋالدىڭ ورشۋىنە بايلانىستى بيىلعى 5- شىلدەدەن باستاپ 14 كۇنگە قاتاڭ شەكتەۋ شارالارى ەنگىزىلەدى.