+7 (701) 759 90 19
20 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

الماتى اۋىر ماشينا جاساۋ زاۋىتى كارانتين جاعدايىندا قالاي جۇمىس ىستەپ جاتىر

3 شىلدە 19:30
:ءبولىسۋ
الماتى اۋىر ماشينا جاساۋ زاۋىتى كارانتين جاعدايىندا قالاي جۇمىس ىستەپ جاتىر

الماتى. قازاقپارات - الماتى اۋىر ماشينا جاساۋ زاۋىتى كۇردەلى ەكونوميكالىق احۋال جاعدايىندا ءوندىرىس كولەمىن قىسقارتقان جوق. كاسىپورىن كارانتين كەزىندە قالاي جۇمىس ىستەپ جاتقانىن كاسىپورىننىڭ باس ديرەكتورى جەتپىسباي ەدىگەنوۆ قازاقپارات تىلشىسىنە ايتىپ بەردى.

«سانيتارلىق ەپيدەميولوگيالىق قىزمەت پەن «اتامەكەن» ۇ ك پ وكىلدەرىنەن قۇرىلعان كوميسسيا جۇرگىزگەن مونيتورينگكە سايكەس «الماتى اۋىر ماشينا جاساۋ زاۋىتى» بارلىق سانيتارلىق نورمالار ساقتالعان ەڭ ۇزدىك كاسىپورىن قاتارىنا جاتقىزىلدى. ءبىز سانيتارلىق تالاپتاردىڭ بارلىعىن تۇگەل ورىنداپ وتىرمىز. قاتاڭ كارانتين، ارينە، ءبىزدىڭ جۇمىسقا ىقپالىن تيگىزدى. وبلىس جابىق تۇرعاندا كوپتەگەن جۇمىسشىلارىمىز كەلە الماعانى راس. ءبىراق، بىزدە نەگىزىنەن ادام جەتىسپەۋشىلىگى بۇرىننان بار پروبلەما. سوندا دا ءبىز بارلىق مىندەتتەمەلەر مەن ءوندىرىس كولەمىن توقتاتپاۋعا، قىسقارتپاۋعا تىرىسىپ جاتىرمىز»، - دەدى جەتپىسباي ەدىگەنوۆ.

قازىر زاۋىتتا 426 ادام جۇمىس ىستەپ جاتىر. ونىڭ ايتۋىنشا، كارانتين شارالارىن كۇشەيتۋ - ۋاقىت تالابى. «ءبىرىنشى كەزەك ادامداردىڭ دەنساۋلىعى جايلى ويلاۋ كەرەك. كارانتيندى ودان دا كۇشەيتكەن دۇرىس. تالاپتاردى ورىنداماعان ادامدى ايىپپۇلمەن، بولماسا باسقاشا جازالاۋ كەرەك دەپ سانايمىن»، - دەدى كاسىپورىننىڭ باس ديرەكتورى.

اۆتور: گۇلميرا عوسمانالي



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات