+7 (701) 759 90 19
20 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ءبىزدى تەك ءوز جاۋاپكەرشىلىگىمىز عانا ساقتاپ قالادى

3 شىلدە 17:40
:ءبولىسۋ
ءبىزدى تەك ءوز جاۋاپكەرشىلىگىمىز عانا ساقتاپ قالادى

نۇر-سۇلتان. قازاقپارات - كوروناۆيرۋس ىندەتىنەن ءبىزدى تەك ءوز جاۋاپكەرشىلىگىمىز عانا ساقتاپ قالادى.

مۇنداي پىكىردى «س. سەيفۋللين اتىنداعى قازاق اگروتەحنيكالىق ۋنيۆەرسيتەتى» ا ق باسقارما ءتوراعاسىنىڭ ورىنباسارى، فيلولوگيا عىلىمدارىنىڭ دوكتورى جايناگۇل قۇسايىنوۆا ءبىلدىردى، دەپ حابارلايدى قازاقپارات ءتىلشىسى.

«وكىنىشكە وراي، ەلىمىزدە اتى جامان ىندەت كۇننەن-كۇنگە ءورشىپ جاتىر. وسى اۋرۋدىڭ شىعۋىنا بايلانىستى ناۋرىز ايىندا توتەنشە جاعداي جاريالانعاندا، كوپشىلىكتىڭ كۇمانمەن قاراپ، سەنبەگەنى دە جاسىرىن ەمەس. ەندى وزدەرىڭىز تانيتىن قانشاما ادامدار وتباسىنداعى بالا-شاعاسىمەن، تۋعان-تۋىستارىمەن جاپپاي وسى ىندەتتى جۇقتىرىپ، قاتتى اۋىرىپ جاتقانى بەلگىلى. اۋىرعان ادامدارمەن بەتپە-بەت كەلىپ، ولاردىڭ ءومىرىن ساقتاپ قالۋ ءۇشىن جانتالاسىپ جۇرگەن اق حالاتتى ابزال جاندار - دارىگەرلەرگە دە وڭاي ەمەس. ولار بار مۇمكىندىكتەرىنشە ادامدارعا قىزمەت كورسەتۋدە. ءبىراق ەمدەۋشى دارىگەرلەردىڭ دە دەنساۋلىقتارىنا قاۋىپ تونۋدە»، - دەدى ول. جايناگۇل قۇسايىنوۆا حالقىمىزدىڭ اماندىعىن، وتباسىمىزدىڭ دەنساۋلىعىن ويلاساق، قۇزىرلى مەكەمەلەر ايتىپ جاتقان شەكتەۋلەرگە ءمان بەرىپ، كارانتيندىك تالاپتاردى قاتاڭ ورىنداۋ كەرەكتىگىن باسا ايتادى.

«بۇل سونشالىقتى قيىن ەمەس قوي. قازىرگى ۋاقىتتا ءبىزدى تەك ءوز جاۋاپكەرشىلىگىمىز عانا ساقتاپ قالادى. ءبىر-بىرىمىزگە جاناشىرلىقپەن قاراپ، ءبىر-ءبىرىمىزدىڭ دەنساۋلىعىمىزدى باعالاپ، وسى دەرتتىڭ ەتەك الۋىن توقتاتۋعا كومەك كورسەتەيىك. ءبىز بىرگەمىز! قازاتۋ جاستارى كارانتيندىك تالاپتاردى ورىندايدى! ءوز بولاشاعىمىز ءۇشىن ىندەتكە قارسى بىرگەمىز!»، - دەدى جايناگۇل ايتماعانبەت قىزى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات