شىعىس قازاقستاندا ەكى قالا كارانتينگە جابىلادى

None
None
وسكەمەن. قازاقپارات - شىعىس قازاقستان وبلىسىنىڭ اكىمى دانيال احمەتوۆ 5-شىلدەدەن باستاپ وبلىستاعى ەكى ءىرى قالانىڭ كارانتينگە جابىلاتىنىن ءمالىم ەتتى، دەپ حابارلايدى قازاقپارات وبلىس اكىمىنىڭ Instagram پاراقشاسىنا سىلتەمە جاساپ.

اكىمنىڭ مالىمەتىنشە، وبلىس كەز كەلگەن جاعدايعا دايىن. 1700 ينفەكسيالىق، 2500 پروۆيزورلىق جانە كارانتيندىك ورىن جانە قارقىندى تەراپيا پالاتاسى دايىندالدى. وعان قوسا ايماقتا ادامدار جەدەل مەديتسينالىق كومەك الا المايتىن ەلدىمەكەن جوق. مەديتسينالىق مەكەمەلەر مەن اتقارۋشى بيلىكتىڭ ءوزارا ارەكەت ەتۋ الگوريتمدەرى جاسالىپ، بەكىتىلگەن.

«جاعىمسىز جايت بولماس ءۇشىن ءبىز 5-شىلدەدەن باستاپ وسكەمەن جانە سەمەي قالالارىن جابامىز، ادامدار مەن كولىكتەردىڭ قالا مەن اۋدان اراسىندا ءجۇرىپ- تۇرۋىن شەكتەيمىز. وسىنىڭ بارلىعى - كوروناۆيرۋس ينفەكتسياسى تارالماس ءۇشىن جاسالىپ وتىرعان شارالار. СОVID-19 -بەن كۇرەستە ءوزىن-ءوزى وقشاۋلاۋ ءتاسىلى ءتيىمدى ەكەنى دالەلدەندى. كارانتين كەزىندە وبلىستا جالپى ۆيرۋس جۇقتىرعاندار سانى 135 بولاتىن. ماۋسىم ىشىندە بۇل كورسەتكىش 710 عا دەيىن ارتىپ، ءالى دە ءوسىپ جاتىر»، - دەپ حابارلادى د. احمەتوۆ.

«سوندىقتان وسى جەكسەنبىدەن باستاپ قوزعالىستى شەكتەۋ ماڭىزدى. ءبىز بايلانىسقان ادامدار ءتىزىمىن ءۇزۋىمىز كەرەك. بۇل وتە قاجەت! وسى جاعدايعا نەعۇرلىم جاۋاپكەرشىلىكپەن قاراساق، سوعۇرلىم قالىپتى ومىرگە تەزىرەك ورالامىز. مەكەمەلەر، ازىق-تۇلىك دۇكەندەرى، ءدارىحانالار، بانكتەر، ح ق و (قىسقارعان كەستەمەن) جۇمىسىن جالعاستىرادى. ءبىز ەنگىزىلگەن كارانتين شارالارى كاسىپكەرلەرگە زيانىن تيگىزبەس ءۇشىن تىرىسىپ جاتىرمىز. تاعى دا شەكتەۋلەرگە تۇسىنىستىكپەن قاراۋلارىڭىزدى سۇرايمىز. ەۋروپا ەلدەرىندە ادامدار اۋەلدە شەكتەۋ شارالارىنا مويىنسۇنباعاندا قانداي جاعداي بولعانى ءبارىمىزدىڭ ەسىمىزدە»، - دەپ اتاپ ءوتتى اكىم.

ونىڭ ايتۋىنشا، ا دامدار ءوز قاۋىپسىزدىگى ءۇشىن كەم دەگەندە الەۋمەتتىك قاشىقتىقتى ساقتاپ، ءوزىن- ءوزى وقشاۋلاپ، ماسكا تاعىپ ءجۇرۋى كەرەك.

«ءبىز دە ايماقتاعى اۋرۋحانالاردى قاجەتتى تەحنيكامەن جانە ءدارى- دارمەكپەن، ال دارىگەرلەردى قورعانىس قۇرالدارىمەن قامتاماسىز ەتۋ ءۇشىن بارىمىزدى سالدىق. قازىرگى ءبىزدىڭ ورتاق مىندەتىمىز - شەكتەۋ شارالارىن ساقتاپ، ۆيرۋستىڭ تارالۋىنا جول بەرمەۋ» دەپ تولىقتىردى د. احمەتوۆ. ⠀

سوڭعى جاڭالىقتار