+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قاسىم-جومارت توقايەۆ ەلباسىنا ارنالعان مونۋمەنتتىڭ اشىلۋ راسىمىنە قاتىستى

3 شىلدە 15:38
:ءبولىسۋ
قاسىم-جومارت توقايەۆ ەلباسىنا ارنالعان مونۋمەنتتىڭ اشىلۋ راسىمىنە قاتىستى

نۇر-سۇلتان. قازاقپارات - مەملەكەت باسشىسى تۇڭعىش پرەزيدەنت - ەلباسى نۇرسۇلتان نازاربايەۆقا ارنالعان مونۋمەنتتىڭ اشىلۋ راسىمىنە قاتىستى، دەپ حابارلايدى اقوردا.

قاسىم-جومارت توقايەۆ ونلاين رەجيمدە ۇلتتىق قورعانىس ۋنيۆەرسيتەتىندەگى قازاقستاننىڭ تۇڭعىش پرەزيدەنتى - ەلباسى ن. ءا. نازاربايەۆقا ارنالعان مونۋمەنتتىڭ اشىلۋ راسىمىنە قاتىستى.

پرەزيدەنت ءوز سوزىندە نۇرسۇلتان نازاربايەۆتىڭ قازىرگى قازاقستاننىڭ نەگىزىن قالاعانىن، ەگەمەن ەلىمىزدىڭ ستراتەگيالىق دامۋ جولىن ايقىنداپ، حالقىمىزدى ورتاق ماقساتقا جۇمىلدىرعانىن اتاپ ءوتتى.

- تۇراقتىلىق پەن تاتۋلىق، بەرەكە مەن بىرلىك - ەلباسىنىڭ سارابدال ساياساتىنىڭ ناتيجەسى. كەز كەلگەن مەملەكەتتىڭ تاريحىندا وشپەس ءىز قالدىرعان بىرەگەي تۇلعالار بار. ولاردىڭ سىڭىرگەن ەڭبەگىن باعالاي ءبىلۋ جانە جان-جاقتى دارىپتەۋ - وسكەلەڭ ۇرپاقتىڭ پارىزى، - دەدى قاسىم-جومارت توقايەۆ.

مەملەكەت باسشىسىنىڭ ايتۋىنشا، قازاقستاننىڭ قارۋلى كۇشتەرى تۇڭعىش پرەزيدەنتتىڭ جارلىعىمەن قۇرىلعاندىقتان، بۇل مونۋمەنتتىڭ ۇلتتىق قورعانىس ۋنيۆەرسيتەتىندە ورناتىلۋىنىڭ سيمۆولدىق ءمانى زور. ەلباسى ەلىمىزدىڭ قورعانىس قابىلەتىن ارتتىرۋعا ەرەكشە كوڭىل ءبولدى. مەملەكەت ەڭ قيىن كەزەڭدەردىڭ وزىندە دە زاماناۋي قارۋ-جاراق الۋ، وتاندىق قورعانىس ونەركاسىبى كەشەنىنىڭ قۋاتىن ارتتىرۋ، اسكەري قىزمەتشىلەردى باسپانامەن قامتاماسىز ەتۋ، جالاقىلارىن ۋاقىتىلى بەرۋ، جوعارى زەينەتاقى تولەۋ مىندەتتەرىن وڭتايلى شەشە ءبىلدى.


- تاۋەلسىزدىك العان ساتتەن باستاپ نۇرسۇلتان ءابىش ۇلى نازاربايەۆ اسكەري الەۋەتىمىزدى قالىپتاستىرۋ بارىسىندا ەڭ كۇردەلى دەگەن ماسەلەلەردى شەشۋگە ءوزى تىكەلەي ارالاستى. ونىڭ باسشىلىعىمەن حالقىمىز بەن ەلىمىزدى ىقتيمال اسكەري قاقتىعىستاردان قورعاۋ ماقساتىندا ارميامىزدىڭ پەرسپەكتيۆالارى مەن مىندەتتەرى، ۇلتتىق قاۋىپسىزدىكتى قامتاماسىز ەتۋدىڭ باسىمدىقتارى مەن مەحانيزمدەرى ايقىندالدى. نۇرسۇلتان نازاربايەۆ پرەزيدەنت بولعان جىلدارى اسكەري قۇرىلىمنىڭ زاڭنامالىق جانە قۇقىقتىق- نورماتيۆتىك بازاسى ازىرلەندى. سونداي-اق قارۋلى كۇشتەردىڭ قۇرىلىمى مەن قۇرامى جاساقتالىپ، ارميانىڭ قارۋلانۋى كەزەڭ- كەزەڭىمەن ىسكە اسىپ، زاماناۋي ينفراقۇرىلىم قالىپتاستى، - دەدى قاسىم-جومارت توقايەۆ.

جوعارعى باس قولباسشى اسكەرىمىزدىڭ قانشا جەردەن زاماناۋي تەحنيكالارمەن جابدىقتالعانىمەن، مەملەكەتتىڭ قاۋىپسىزدىگىن قامتاماسىز ەتۋ بارىسىندا ارميانىڭ جەكە قۇرامى نەگىزگى فاكتور بولىپ قالا بەرەتىنىن ايتتى. سوندىقتان تاۋەلسىزدىكتىڭ العاشقى جىلدارىندا ەڭ مىقتى اسكەري كادرلار ساپالى اسكەري ءبىلىم بەرۋ ءىسىن ۇيىمداستىرۋعا جۇمىلدىرىلدى.

بۇگىندە قازاقستاندا ورتا اسكەري وقۋ ورىندارىنان باستاپ حالىقارالىق دەڭگەيدەگى ۋنيۆەرسيتەتكە دەيىنگى ارالىقتا كوپساتىلى ءبىلىم جۇيەسى قالىپتاستى.

- حالقىمىزدا «ەل ەرلەرىمەن ەڭسەلى» دەگەن قاناتتى ءسوز بار. شىن مانىندە، قارۋلى كۇشتەرى قۋاتتى مەملەكەتتىڭ بىرلىگى بەكەم، ابىرويى اسقاق بولادى. سوندىقتان ءبىز ارميامىزدىڭ باسەكەگە قابىلەتتىلىگىن ارتتىرۋعا قاشاندا باسا ءمان بەرەمىز. بۇل رەتتە ءبىلىم مەن عىلىمنىڭ الاتىن ورنى ەرەكشە. ۇلتتىق قورعانىس ۋنيۆەرسيتەتى الداعى ۋاقىتتا دا بىلىكتى ماماندار دايىنداۋ ىسىنە مول ۇلەس قوسادى دەپ سەنەمىن، - دەدى مەملەكەت باسشىسى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات