15:56, 03 - شىلدە 2020 | GMT +6
ەلوردامىز تاۋەلسىزدىكتىڭ، جاسامپازدىق پەن بىرلىك رۋحىنىڭ قاينار كوزىنە اينالدى - ەلباسى
نۇر-سۇلتان. قازاقپارات - قازاقستاننىڭ تۇڭعىش پرەزيدەنتى - ەلباسى باسپا ءسوز حاتشىسى ايدوس ۇكىباي Twitter اككاۋنتىندا استانا كۇنىنە ارنالعان ۆيدەوروليك جاريالادى، دەپ حابارلايدى قازاقپارات ءتىلشىسى.
تاۋەلسىز قازاقستاننىڭ جاس ەلورداسىنىڭ زاماناۋي جارقىن ءارى قايتالانباس ساۋلەتتىك كەلبەتىن پاش ەتەتىن ەكى مينۋتتىق ۆيدەوروليكتە قالانىڭ باس ساۋلەتشىسى، ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ ءسوزى كەلتىرىلگەن.
«ءبىز ەشتەڭەگە قاراماستان قيىندىقتاردى ەڭسەرىپ، ەلوردامىزدى سالدىق. ەلوردامىز قاسيەتتى تاۋەلسىزدىك رۋحىنىڭ - جاسامپازدىق پەن بىرلىك رۋحىنىڭ قاينار كوزىنە اينالدى» دەيدى ەلباسى.
ەسكە سالا كەتەيىك، جىل سايىن 6-شىلدەدە قازاقستاننىڭ استاناسى - نۇر-سۇلتان قالاسىنىڭ كۇنى اتاپ وتىلەدى.