+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

توي بارلىق وڭىردە بولىپ جاتىر - باس مەملەكەتتىك سانيتارلىق دارىگەر

3 شىلدە 16:39
:ءبولىسۋ
توي بارلىق وڭىردە بولىپ جاتىر - باس مەملەكەتتىك سانيتارلىق دارىگەر

نۇر-سۇلتان. قازاقپارات - ق ر باس مەملەكەتتىك سانيتارلىق دارىگەرى ايجان ەسماعامبەتوۆا توي- جيىندار بولعان جەردە ك ۆ ي جۇقتىرعانداردىڭ سانى ءوسىپ كەتەتىنىن جەتكىزدى، دەپ حابارلايدى قازاقپارات ءتىلشىسى.

«حالىقتى الدىن الۋ شارالارىن ساقتاۋعا شاقىرۋدا شارشامايمىز. ايتسە دە كوپ ادامنىڭ تالاپتاردى ساقتايتىنىن دا اتاپ ءوتۋ كەرەك. دەسە دە بۇگىنگى كۇنى الەۋمەتتىك جەلىلەر ارقىلى دا، تۋعان- تۋىستارىمىزدان ەستىگەنىمىزدەي، حالىق ءارتۇرلى توي- جيىندى - تۋعان كۇندەردى، ەسكە الۋ راسىمدەرىن دە وتكىزۋدە. مۇنداي شارالار بارلىق وڭىردە بولىپ جاتىر. وسى جيىنداردان كەيىن وكىنىشكە قاراي ءبارى دە 100 پايىز – ك ۆ ي جۇقتىرىپ الاتىنىن بايقايمىز. ادامدار مۇنداي جيىن- تويلاردان كەلىپ، ۆيرۋستى ۇيىنە تاراتادى. وسىلايشا ادامدار ۆيرۋستى جۇزدەپ جۇقتىرۋدا»، - دەدى ايجان ەسماعامبەتوۆا و ك ق- داعى باسپا ءسوز ءماسليحاتىندا تىلشىلەردىڭ سۇراعىنا جاۋاپ بەرە وتىرىپ. ونىڭ ايتۋىنشا، ينفەكسيا قوعام ىشىندە وسىلاي تارالۋدا.

«ءبارىمىز دە قاراپايىم ەرەجەلەردى ساقتاماي، ىندەتتىڭ كەڭ تاراۋىنا جول بەرىپ وتىرمىز. سول سەبەپتى تاعى دا ايتارىم: كوروناۆيرۋستى جەڭۋ - وزىمىزگە بايلانىستى. ءاربىرىمىز قانشالىقتى ەرەجەنى ۇستانا بىلسەك، سونشالىقتى ىندەتتى تەز ەڭسەرەمىز»، - دەدى ول.

اۆتور: ايان بەكەن ۇلى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات