الماتىلىق وقۋشىلار مەديتسينالىق ماسكانى ىڭعايلى ەتەتىن قۇرىلعى جاسادى

الماتى. قازاقپارات - الماتى قالاسىنداعى فيزيكا- ماتەماتيكا باعىتىنداعى نازاربايەۆ زياتكەرلىك مەكتەبىنىڭ وقۋشىلارى مەديتسينالىق ماسكا تاققاندا ىڭعايلى بولۋى ءۇشىن ارنايى قۇرىلعى جاساپ شىعاردى، دەپ حابارلايدى قازاقپارات ءتىلشىسى.

«بۇل قۇرىلعى مەديتسينالىق ماسكا رەزەڭكەسىنىڭ قۇلاققا قىسىمىن ازايتۋعا سەپتىگىن تيگىزەدى. قازىرگى ۋاقىتتا مۇنداي قۇرىلعىلارعا ەڭ الدىمەن مەديتسينا قىزمەتكەرلەرى مۇقتاج. بۇعان قوسا، ماسكانى ۇنەمى تاعىپ ءجۇرۋ قولايسىزدىق تۋعىزىپ، قۇلاقتىڭ تۋ سىرتىنىڭ تەرىسىن تىتىركەندىرەتىن ايتىپ، دابىل قاققان بولاتىن»، - دەلىنگەن اتالعان مەكتەپتىڭ Facebook پاراقشاسىندا جاريالانعان اقپاراتتا.

اتالعان قۇرىلعى بارلىق قىسىمدى قۇلاققا ەمەس، قاراعۇسقا تۇسىرەدى. ياعني، قاراعۇسقا تولىق جاتاتىن قۇرىلعىعا ماسكانىڭ قۇلاققا ىلىنەتىن رەزەڭكەسى جالعانادى. مۇنداي قۇرىلعىنى 3D- پرينتەر كومەگىمەن كادىمگى پلاستيكتەن 15-20 مينۋتتىڭ ىشىندە باسىپ شىعارۋعا بولادى. سالماعى - نەبارى 3 گرامم.

ايتا كەتەرلىگى، مۇنداي قۇرىلعىنىڭ العاشتى توپتاماسى الماتى قالاسىنداعى №7-اۋرۋحانا دارىگەرلەرىنە تابىستالدى. دارىگەرلەر مەكتەپ وقۋشىلارىنا ۇلكەن ريزاشىلىقتارىن ءبىلدىرىپ وتىر.