شىمكەنتتە تۇنگى تىنىشتىقتى بۇزعان ماس قىزدار جاۋاپقا تارتىلدى

شىمكەنت. قازاقپارات – 2-شىلدە كۇنى ساعات 03:45 شاماسىندا پوليتسياعا تۇرعىنداردان «ۆوستوك» مولتەكاۋدانىنداعى ۇيلەردىڭ ءبىرىنىڭ اۋلاسىندا تۇنگى ۋاقىتتا تىنىشتىقتى بۇزۋ وقيعاسى ورىن العاندىعى تۋرالى قوڭىراۋ شالىنعان، دەپ حابارلايدى قازاقپارات Polisia.kz- سايتىنا سىلتەمە جاساپ.

شاقىرتۋ بويىنشا جەدەل جەتكەن پوليتسيا قىزمەتكەرلەرى تۇرعىن ۇيلەر اۋلاسىندا ءۇش قىزدىڭ سپيرتتىك ىشىمدىك ءىشىپ وتىرعانىن انىقتادى. اتالعان تۇرعىندار پوليتسەيلەردىڭ ەسكەرتۋلەرىنە قۇلاق اسپاي، ارى قاراي كوڭىلدى وتىرىستارىن جالعاستىرا بەرمەك بولعان. ءتارتىپ ساقشىلارى ولاردىڭ الكوگولدىك ماساڭ كۇيىن انىقتاۋ ماقساتىندا مەديتسينالىق كۋالاندىرۋدان وتكىزۋ ءۇشىن مەديتسينالىق مەكەمەگە اپاردى. كۋالاندىرۋ ناتيجەسىندە ورتا دارەجەدە الكوگولدىك ماساڭ كۇيى انىقتالعان قىزدار ۋاقىتشا ساۋىقتىرۋ ورتالىعىنا جەتكىزىلدى.