قازاقستانعا كوروناۆيرۋستى ەمدەيتىن جاڭا پرەپارات اكەلىندى

نۇر-سۇلتان. قازاقپارات - قازاقستانداعى ستاتسيونارلىق اۋرۋحانالاردا ك ۆ ي جۇقتىرعانداردى رەسەيلىك جاڭا پرەپاراتپەن ەمدەيدى.

جاڭا ءدارىنىڭ جەتكىزىلگەنىن و ك ق- دا وتكەن باسپا ءسوز ءماسليحاتىندا ق ر دەنساۋلىق ساقتاۋ ۆيتسە-ءمينيسترى اجار عينيات ايتتى، دەپ حابارلايدى قازاقپارات ءتىلشىسى.

«اۆيفاۆير» اتتى جاڭا پرەپارات كوروناۆيرۋس ينفەكسياسىن جۇقتىرعانداردى ەمدەۋگە ارنالعان حاتتاماعا ەنگىزىلگەن.

«بۇل پرەپارات ءبىر رەتتىك تارتىپتە ساتىپ الىنىپ، ءبىزدىڭ ەلگە جەتكىزىلدى. ونىمەن ستاتسيونارلىق ناۋقاستاردى ەمدەيدى. وسى پرەپاراتپەن ەمدەلەتىن ادامدار باقىلاۋعا الىنادى. سەبەبى ول پرەپارات - جاڭا. كلينيكالىق سىناقتان جاقىندا عانا وتكەن»، - دەدى اجار عينيات.

ايتا كەتسەك، بۇعان دەيىن رەسەي فەدەراتسياسىندا اتالعان پرەپارات سىناقتان ءساتتى وتكىزىلگەنى حابارلانعان ەدى.