قازاقستاندا پاندەميا كەزىندە قانشا مەديتسينا قىزمەتكەرى كوز جۇمدى
بۇل تۋرالى ق ر باس مەملەكەتتىك سانيتار دارىگەرى ايجان ەسماعامبەتوۆا ءمالىم ەتتى، دەپ حابارلايدى قازاقپارات ءتىلشىسى.
«ونداي قايعىلى وقيعانىڭ 18 جاعدايى تىركەلدى»، - دەدى ايجان ەسماعامبەتوۆا و ك ق- داعى باسپا ءسوز ءماسليحاتىندا تىلشىلەردىڭ سۇراعىنا جاۋاپ بەرە وتىرىپ. ايجان ەسماعامبەتوۆانىڭ ايتۋىنشا، بۇل جاعدايلاردىڭ ءبارى بىردەي ك ۆ ي- مەن بايلانىستى ەمەس.
«الايدا، ولاردىڭ اراسىندا COVID-19 اۋرۋىن جۇقتىرعاندارعا كومەك كورسەتكەندەر دە بار»، - دەدى ايجان ەسماعامبەتوۆا. جالپى، قازىرگى ۋاقىتتا قازاقستاندا كوروناۆيرۋس ينفەكسياسىن جۇقتىرعان ادامداردىڭ 11,5 پايىزى - مەديتسينالىق قىزمەتكەرلەر. تاعى 492 مەدقىزمەتكەر پنيەۆمونيامەن اۋىرعان. 511 مەديتسينالىق قىزمەتكەر ەمىن جالعاستىرۋدا.
ەسكە سالا كەتسەك، بۇعان دەيىن ق ر دەنساۋلىق ساقتاۋ ۆيتسە-ءمينيسترى اجار عينيات جەدەل جاردەم قىزمەتكەرلەرى شاقىرتۋ تۇسكەن جاعدايدا جاعىمسىز جاعدايلارمەن ءجيى كەزدەسىپ جاتقانىن ءمالىم ەتكەن ەدى. جالپى مينيسترلىك ولاردىڭ جۇمىسىنا تۇسىنىستىكپەن قاراۋعا شاقىرىپ وتىر.